حيل الله اقوا

بسم الله الرحمن الرحيم

اخواني واخواتي مني اليكم والسلام عليكم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل الله اقوا كل ما جيت أبا ارتاح= وأقول زان الوقت جدد جروحي
وأمسى لصدري من عنى الغيظ فواح= قامت هواجيس الضماير تفوحي
أحيان أقول الوقت سارق ومزاح= وأنا مع المزاح تكثر مزوحي
إن شيف وألا مع مغيب الشفق راح= وان عادها ما عاد والله يروحي
واحيان أقول الوقت مفراص الاجراح= فصلٍ دراسيٍ رسوب ونجوحي
واخذتلي مع سجة العمر مسراح= وابني على الساس الجويد ألصروحي
ودار الزمان وبارق أم الخلا لاح= عقب اختفت وضحت تمام ألوضوحي
آليو بانت مثل فلاج الإصباح= وبان الخلل في روح روحي وروحي
والله ما عاد امن الوقت يا صاح= راحو هل الرأي السديد النصوحي
أتلى الزمن ما عاد يمشي بالانصاح= طبعه مثل طبع الهبود الرموحي
إن زاد مالك صار لك درع ووشاح= وان قل مالك ما لعيبك دموحي
وإن عودت للمال يا كثر الأرباح= كم ساجعٍ غنى على غصن دوحي
(والمال ينفذ والخسارة با الأرواح)= قد قالها اللي ما لشعره قدوحي
ألمشكله كثر الخطأ وألوفا باح= وعد الرزايا بالرزايا نضوحي
قلت المجامل والمجامل بالامداح= امدح وتلقالك رقيقٍ مدوحي
وابطيت أجامل لين سر الخفا باح= وبعض المجامل بالسراير يبوحي
وإن قلت أبي اوط النضر عن هل الشاح= لأهو بلا طبعي ولا أقصى طموحي
حتى ايش لو هبت عوا صيف الارياح= وتعاقبت تقطف منابت فروحي
لاني بلا شاوي ولاني بفلاح= من دون عز المجد ما قصر شبوحي
وان شفت زند الشر بالشر قداح= زندي ليا حان المواجه قدوحي
ازنف زنيف النمر مغدا ومرواح= ولا لد عيني للدنوع النبوحي
وللطيب مفتاح وللشر مفتاح= ولاني على بعض الدعاوى لحوحي
ولاني لغبة بحر الاوهام سباح= اوحي بعقلي قبل الاذنين توحي
وصلاة ربي عد ما ساجعٍ(ن) ناح= على الرسول وعد برقٍ يلوحي
[/poem]