ما تحس بــ لذة الشي ! حتى تفقده !!

يوجع الحلم إن تمادى , ويذبح ..لا استحال
كل ما قرّبت له .. حال دونه ما أبعده

قال قلبي : وين حلمك ؟ وقلت : أصعب سؤال
من غدا حلمي جريمة .. تعلمت أجحده !!

ما بقى لي حلم .. والشمس مالت للزوال
شفته مقفــّي .. ولا عاد به وقت أطرده

آآآه يا عمرٍ تركني هجير بلا ظلال
ما تحس بـــ لذة الشي .. حتى تفقده !!

أغنياتي صمت , والجرح باقي ما يزال
لا هدا لحظات .. حزني بـــ قسوة يجلده

والحنين : الذكريات وسنين من الخيال
تشبه أجمل واقعٍ ما قدرنا نوجده !!

كل ما هبّت علينا الأماني من شمال
انكسر غصن من الروح وانقصت يده

سنبل الحلم وتجاوز مداه ويوم طال
مرّه الياس وغزاه فـــ دقايق وحصده

هـــ الزمن من كان له حلم أبطى واستحال
ما له إلا قبل موته يوّرثه ولده