حيّ النسيم .. !

السلام عليكم ورحمة الله وبركاته

بتاريخ 16/7 , في صالة مطار الملك عبدالعزيز في جده

وقبل زيارتي لمدينة الرياض بعد غياب طويل , كنت هذه المتواضعه , اقبلوها كما هي :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
ياسنين العمر مدري فيك كم ليلٍ بقى لي=راح ماراح وبقى لي مابقى لي من سنيني !
مرت الآيام عجله بين مرّ وبين حالي=ماوعيت الا وعمري للثلاثين ايْحديني !
ماصفى لي من ليالك ليل ياسود الليالي=الصبر منك اعتذر لي..والتعب وسّم جبيني !
والبنادم لو يمرر كل ضيق ولا يبالي=كيف يدرك بأن مابعد العسر ياكود ليني ؟ !
آتصبر وآتجلد واذكر ايامٍ خوالي=واحبس العبره واقيّدها ويطلقها حنيني !
يسقي الله كل شبرٍ فيك يانجد المعالي=اعذريني كان طالت غيبتي عنك اعذريني !
والله اني كل ماهب النسيم وراق بالي=قلت ياحيّ النسيم آآلله كم بينك وبيني !
فيك غيّي غيّ من ذاق الهوى عذبٍ زلالي=وفيك كل شفوف بالي كانت تصافح يميني !
جيت يانجد العذيّه زايرٍ ماجيت جالي=افرحي بي مثل ماني فارحٍ بك واحضنيني !
جيت ميّت شوق / ميّت هم / شوفي كيف حالي=جيت حالي غير..ماني مثل ماانتي تذكريني !
اذكر اني يوم ودعتك هنا توديع غالي=من هنا كانت بداية ضيقتي وسْهاد عيني !
وابتدا موّال حزني/ واغترابي / وارتحالي=وامست ذياب النوازل في طريقي تحتريني !
وكل شيٍ فيه يعتاض الصويب اول وتالي=مير مابه شيٍ يْعوّض غياب الطيبيني !
من بعد ماصابني في فقد ابوي وفقد خالي=صار عادي لو يزين الوقت..ولاّ لو يشيني ![/poem]