هقواتنا دايم على محمل الطيب

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ماعاد باقي با العمر كثر ماراح=لوكان ماندري ولا نعلم الغيب
اعمارنا بيدين خلاق الارواح=والي ماشاب اليوم بكره يبا يشيب
والمر تقفاه الحلاوه والا فراح = لفتر دولاب الدهر بالدواليب
خسارة الدنيا تلاديها الارباح=وهقواتنا دايم على محمل الطيب
ضيق الليالي له مع الصبرمفتاح=لو تكبر القاله مقر ومعازيب
على يدينا لا لجا همنا راح=لو حل في صدر الجبل جاوب الذيب
لا تشتكي همك على الناس وارتاح=لو بان لك بصدور غيرك تراحيب
سدك ولا تبديد سدك با الا فصاح=مالك لزوم بدورت الشك والريب
جنب طريقٍٍ فيه مقطار مفساح=ترا ركاك الماء هوات الدغاليب
كم واحدٍ حول حدر فك تمساح=تمازره من حدر فكه مخاليب
من السعه لضيق جا يجنح وطاح=على ضحاح مكدرين المشاريب
حبل الرهاوي مغرقٍ كم سباح=ولولا الرها ما جندل الفارس كليب
كم درب خليناه صده ومسناح=لو زبرقوه اهل الطمع والمكاسيب
كم نادرٍ جابه من الجو ملواح=طرح الشبك صاد الوحش بالمقاضيب
برقٍ مجنب ما نخيله اليا لاح=من يبني اماله على المقفي تخيب
الواقع المعقول للعاقل وشاح=لو مايحقق غير ربع المطاليب
والمال وقت اليوم لبنادم سلاح=عزي لمن يمسي وهو خالي الجيب
الفقر ماهو للمواجيب نطاح=يحول قل المال دون المواجيب
ومن عز نفسه عن كريمين وشحاح=حقه من الوافين جزل التراحيب
[/poem]