زباين إبليس

السلام عليكم ورحمة الله وبركاته

مبارك عليكم الشهر ، كيبورديه عدوها الله يعديكم عن النار

بسم الله الرحمن الرحيم

[poem=font="Simplified Arabic,6,limegreen,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا الله بعفوك والشياطين جلاس=قدامنا ولا تراثع ورانا
تغوي ضعيف النفس ويصيبه أعماس=ولكل دربٍ شين دوم تحدانا
تفرح بغفلتنا وتسعد ليا داس=شين العمل أرقابنا من عمانا
في ذا الزمن أصناف وألوان وأجناس=تلعب بحسبتنا وتبحث خفانا
تكبح شياطين السماء لكن الناس=منهو بيردع شرهم ويحمانا
شهرٍ فضيل وكل مؤمن له قياس=مير البلاء قامت تلون عدانا
لو يدعون الطهر لا شك ما حاس=أوضاعنا إلا تتبع هوانا
زباينٍ لبليس والشر نبراس=لدروبهم في كل وقت وزمانا
هند أتلاعب بالخصر قدم عباس=في ذا الشهر مستبشرين بغثانا
مسلسلٍ هابط له الناس حراس=العقل غايب بين حانا ومانا
ولا برامج لهو تبنا على طفاس=يستنزفون جيبونا من غبانا
والشاعر اللي يكتب الشعر بإحساس=يا جعل ربي يصلحه ويهدانا
ليته في شهر الخير يرتاح لا باس=ما شوف له داعي يزود عنانا
ما للغزل في ذا الشهر ستر ولباس=أمن الذنوب اللي معانا كفانا
أما يجيب أمن الجواهر والألماس=اللي تفيد الزاير إليا لفانا
يكسب بها ثواب ربه وكراس=أعماله تسجل وهذا رجانا
ولا يصد وكل وسواس خناس=يلجم في شهر الخير غصب ويهانا
واختامها صلوا على سيد الناس=اللي على الشرع وسبيله دعانا
[/poem]

وسلامتكم من كل شر