((مضرب الامثال))

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بسم الله الرحمن الرحيم

السلام عليكم ورحمة الله وبركاته ومبروك عليكم الشهر وعسى الله يعيده علينا وعليكم بالخير والعافيه

اقول

خذيت ماحطه نصيبي بجيبي=واللي بقا ماعادني عنه نشاد
عرف النشاما من بعيد وقريبي=هومكسبي من قبل ترتيب الاعداد
واللي وقف وقفة جماله وطيبي=ترفع له البيضا على روس الاشهاد
شعري يحاكي كل عقل لبيبي=وانا افتخر به واحترم كل نقاد
متوكد اني ماخذ الا نصيبي=واني م اخون العرف والملح والزاد
نهجي على مبدأ وسلم قطيبي=موروث من موروث الاباء والاجداد
وعلى ردي الخلق ربي حسيبي=ان كان فيه الطيب والجود مافاد
بالحقد ماينفع علاج الطبيبي=لو عالجوا غل تغلغل بالاوغاد
موت الضمير اخطر وبا مايطيبي=وان ماتت الذمه بالانسان وش عاد
لي في نهار الحشر عند الرقيبي=اليا حصد زرع العمر كل حصاد
والنور نورك يالشفيع الحبيبي=عساني لسنتك طايع ومنقاد
يالمصطفى محشوم من كل عيبي=يامنهل يروي ضما كل وراد
انت الحبيب لعالم كل غيبي=وانت الشفيع بيوم محشر وميعاد
وانت العديم الصارم المستجيبي=وانت الكريم الحازم الطاهر الجاد
من يقتدي بك ينتصر مايخيبي=ياسيدي سيد واهل بيتك اسياد
لوغبت شمس هدايتك ماتغيبي=يبقا سنا نورك على الكون وقاد
فضل من الرب السميع المجيبي=بالحق والباطل على الحق ماساد
يامضرب الامثال شي عجيبي=ياكم هديت قلوب باخلاق وجهاد
يأمن بدينك كل من يستريبي=ويخارجه لوهو مكبل بالاصفاد
تفداك روحي في شبابي وشيبي=بيع العمر دونك تباشير واعياد
عليك والك بيت الاصل العريبي=افضل صلاة الرب من غير تعداد
وسلامة الجميع
[/poem]