لا...ياعلي !!

دعابه ..دعابه
لصديق أحبّه جداً ..جداً ..
علي الشهري

أسمحوا لها بالمرور
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فاضت هجوسي بعد ماغاض بعض الشعور= وأخذتها من طويل الصوت ..وقصيّره
وانا حضوري يكفّي فيه بعض الحضور =أطوّع الشعر لو ماطاع ..وآضيّره
لي صاحبٍ نبّني في شرح بعض الأمور= قلت أبدع القاف ..وأغنيه ..وآسيّره
يمه..وهو رجل في كل الأمور مخبور=له ماقفه في كبير العلم ..وصغيّره
غلاه _والله_ماتحويه كل الصدور=لاجله حروف الغلا شيكات متجيّره
وافي ..ولايوم جاني منه بعض القصور=لكن علومه هذا اليومين متغيّره !!
لا ياعلي ..لايجي ظنك قصير الشبور=وتصبح هقاويك في صاحبك متحيّره
البندق اللي بجنبك بالخبا لاتثور=ازنادها رقّده ..ورصاصها نيّره
لا تندفع بالميانه ..وأنت رجلٍ وقور=تقدر تميّز بعير الركب وحويّره !
لاتحسب إني بعينك مثل بعض الطيور=خفيف..وحليل ..وادناكلمه تطيّره
لاوالله ألاّ ثقيل ..ودون نفسي غيور =عقلي على الطيّبه هاديه ..ومخيّره
وإن قال:هذي بهذي قلت:خلّك صبور=إذا غلط صاحبي ماوالله أعيّره
لوجاتني من سواك ..ورب خير الشهور= قدام يكمل كلامه ينلعن خيّره !
تمّت..وأظنك ذكي تفهم مابين السطور= وعن طول بعض الكلام يكفّي قصيّره [/poem]وكل عام وأنتم بخير