عاد عيدك !!

السلام عليكم

مسيتوا بالخير وكل عام وأنتم بخير ..
مشاركه من باب المشاركه في هالباب .

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاد عيدك بخير وعاد عيدك سعاده=يا سعادة خفوقٍ ما نساك ونسيته
في نحاياه لك مني محبه واشاده=وين ما رحت تركض به .. غرامك لقيته
انت سحر القلوب وما يبي لك شهاده=أجمل العمر يا عمري بقربك قضيته
وأنت عيد العيون وطرفك اللي سهاده=نور القلب من نور الغلا واهتديته
جامع الملح بلحالك وسكر زياده=علم البعد حمل الشوق انا ما قويته
اتحرى وكني مغترب عن بلاده=كل ما ضاق صدره قال ليته وليته
لقطة الصبر مدري وش تفيد الاعاده=اصلا الصبر ياكم من سنيني عطيته
ايه لو كل من وده يحقق مراده=كان الانسان يلقى حاجته وسط بيته
يا جميلٍ فقدته ما فقدت العباده=الله اللي طلبته في لقاك ورجيته
من بعادك عسى قلبك ما يلقى بعاده=ذكره واعلم اني كان ما جيت جيته
عذرا العيد عاود وانت عادتك عاده=سلط الله على ليل الوله كم سريته
اجذب الوجد وانزل بين صبر وجلاده=الله انه يعز الهاقي اللي هقيته
فارسٍ ما كبا لو كان كبوت جواده=حولت به على تكوين حيه وميته
عاد عيدك سوار وعاد عيدك قلاده=وعاد عيدك خفوقٍ من ضلوعي خذيته !
[/poem]