!! ضيقــــة الخــــاطر !!

!


!

العيد هذا ما شعرت حضوره
ــــــــــــــــــــــــــــــ أيام من عمري... لكن مبتوره

كني على شهر رمضان موقف !
ــــــــــــــــــــــــــــــ والعيد ماشعشـع بعيني نـوره

الجادل اللي دايم تعــايدني
ـــــــــــــــــــــــــــ ماشفت منها صوت ولا صـوره

الله يعين اللي يعاني مثلي
ـــــــــــــــــــــــــ من ضيقة الخاطر وجرح شعوره

لو عاش وسط العالم اللي حوله
ـــــــــــــــــــــــــــ كنه يعيــش بقريـــة ٍ مهجــوره

مايشعر بضيم الفراااق وحره
ـــــــــــــــــــــــــــ إلا من يحـــس بجفــاه وجــوره

واللي يشوفون المحبـة كذبه ؟
ـــــــــــــــــــــــــــ العــالم المنهيـه .... المــاموره

ماتعرف من الحب غير أسمائه
ـــــــــــــــــــــــــــ ومن الغرام .. إلا عبير زهوره

الحب ماهو بس مجرد كلمه !
ــــــــــــــــــــــــــ أو أحرف ٍ على الطرق منثووره ؟

أشياء أكبر من مداااه وأسمه
ــــــــــــــــــــــــــ ماهيب حصريه .. ولا محصوره

محبةٍ ترخص عليها عمرك ؟؟
ــــــــــــــــــــــ ماهيب لأهل الفن .. واهل الكوره

لا يسكن الحب العفيف الصادق
ـــــــــــــــــــــــــــ إلا قــلوب العــالم المغــمـــوره

اللي يحب (أنسان) .. بس يعااني
ــــــــــــــــــــــــــ من غيبة انسان ٍ.. يحب حضوره

حساس لكن أكثر من اللازم !
ــــــــــــــــــــــــــــ يعايش الحزن .. ويمثـل دوره

يعيش أسعد شخص مع من يعشق
ـــــــــــــــــــــــــــــــ على فتات الخبز والشـابوره

يملك من نجوم السماء بيدينه
ـــــــــــــــــــــــــ مالا ملكته ... العالم المسروره

هذي حياتي كان مالي .. منهاا
ـــــــــــــــــــــــــــــ إلا مدامع عيني المحشـورة

صحيح من طبعي أعاااند نفسي
ـــــــــــــــــــــــــــ وآقف على ساقي وهي مكسوره !

لكن تحيرني غرابة ... وقتي
ـــــــــــــــــــــــــ وأنا اللبيب اللي خرج عن طوره

رجلي على الجمره ويدي فيها
ـــــــــــــــــــــــ وارضي من حقوق الولي ممطوره ..





!