بشت المشيخة ...

السلام عليكم ورحمة الله وبركاته

للحضور في أحداقكم
.
.

[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


قدحت بحروف القصايد شراره=ابا اشعل القيفان وابا اتدفَّى
واشب للشعر الحقيقي فناره=ما دام مصباح الجزاله مطفَّى
ما لي ببشت المشيخه والاماره=دامي عن الثنتين دايم مكفَّى
ولا لي بسوق المصلحه والتجاره=ما دام ديني من يديني موفَّى
ارقب من عيون القصايد اشاره=واجي على وضح النقا ما اتخفَّى
والى بدت لي فكرة مستثاره=يسري لها برَّاق شعري يرفَّى
اما تجي لي سكَّره في غضاره=والا مهف اللي مع الصوح هفَّى
انا غني عن فكرة ٍ مستعاره=خيَّالها موجود والاَّ توفَّى
أمّا قنيت اللي تجيب الصّداره=اللي بها هاجوس شعري تحفَّى
والا عدلت الرَّاي عن كل غاره=يصفَّها غيري من النّاس صفَّا
هاجوس شعري في مساه ونهاره=اليا دعيته ما خذلني وقفَّى
في لازمي ما يوم ساق اعتذاره =انا اشهد انّه في وفىَّ وكفَّى
وان ما قدح زندي بحرفي شراره=ما هوب لازم وان بردت اتدفَّى
[/poem]