الشلَة التعبانة !!

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

الله آكبر راعي الوضحى شرا البرمودا !!= من محلَ الخكرنة والشلَة التعبَانة
وانهفا من هيئته فالنقص بعد الزودا= بعد ماكان الوقار امثقَل(ن) ميزانه !!
واندمج مع عالم(ن) ماهمَها المنقودا = المشاعر ميَتة // واقلوبها عميانة
ليت ما اثرَ في رويسه من يحطَ السودا = ابيض امن الشاش بحروف الهوى الرنانة
ومن يحطَ الخمس عشر .. ويدبل المعدودا = بالوهم // ولا الحقيقة حسبته خسرانة
فكره التعبان .. مدري حيله المهدودا !!= ما يغيَر شي عند العالم الفهمانة
دهور النفس الفقيرة .. ول يالمقرودا !!= كيف يشري بالسليمة سلعةٍ خربانة
واه ياوقت العجايب كيف هالوقت اودا= بالصحاح امن العرب في موطن الجربانة ؟!!
وكيف خَلا حبل راع الناقصة ممدودا = والصدور الواسعة مما حصل مليانة
وكيف ضيَع جهد شيخٍ فالبلد مشهودا= واحدٍ لضعوف خلق الله فتح بيبانه
وكيف شرَع باب من ماض الزمن مسدودا = وايقظ الفتنة وعكَر جونا دخانة
والطريق اللي قبل عامين لي ممهودا = الحيايا فيه كثرت واكثرت ديبانه
رغم هذا صابر وصبر الفتى محمودا = ياعسا يفرج كروبي خالقي سبحانه
والقضيَة دمدموها لو بدون اشهودا !! = والحكم نصَه يقول : ( انَ العرب غلطانة )
ليش ترفض من لبس وسط البلد برمودا ؟!= دام فكره مختلف عن معتقد جدَانه !!
له مجالٍ يبدي ارائه بدون احدودا = ولو دعا لالختلاط افلان جنب افلانة ) !!
ذي وسوم البيض // ولا ذي وسوم السودا ؟!!= يا زمانٍ مشعلٍ في جوفنا نيرانه

[/poem]

هزاع الشيباني