{.. ذائــــقتـــي.. } ..!

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي متى وآنا على حالي وصابر=ارقب ايامي واحاتي واتصبـّر
إيتطبب في كسوري كل جابر=ولاتطيب كسوري اللى ماتجبـّر
ياإلهي وانت خابر وانت خابر=دعوتي لك كل ما أذن وكبـّر
لا اعتلـوا زاكين الانفس بالمنابر=وقامت دموعي على خدي تزبـّر
إقطع لـ شيطان وقتي كل دابر=لا إبتلاني في ذنوبه ثم دبـّر
كم تدمر من وراه عيال اكابر=وطيب اهلهم لا يقاس ولا يشبـّر
غرهم طغيانهم في مجد غابر=وكل بشـت ٍ لا خذاله وقت وبـّر
البشوت بشوت والدعوى مخابر=وجنتك تحرم على عبد ٍ تكبـّر
ارتجيك إن ضاقت بعيني معابر=واخذ العبره من اللي ماتدبـّر
الحياه كتاب وايامي محابر=افتح كتابي واراجع وآتخبـّر
ادري اني بالحياه انسان عابر=واللجوء إليك مكتوب ومدبـّر
يوم تبعث من سكن وسط المقابر=ويعرف الوجه النظيف من المغبـّر[/poem]