تيغى جديدي .. هاك هاذا جديدي (( للعيد ))

لقلوووبكــــــــــــم الطـــاهــرة مع الود
وكل عام وانتم بخير



تبغى جديـدي هـاك هـذا جديـدي
من خافقـاً جمـع غلاتـك وسمـاك

يا آسمى معاني ما أنكتب من قصيدي
ليا هاج وجـدان المعانـي علـى آك

يادمـي اللـي جاريـاً فـي وريـدي
سبحـان ربـاً صـورك ثـم سـواك

العيد شوفـك وانـت بالعيـد عيـدي
وأحلى ليـال العيـد عيـدي بلقيـاك

ماشفت والله كيـف ترسمـك أيـدي
ليا صار محجر ناظري فـي محيـاك

يـوم اتحـرى جيتـك مـن بعيـدي
تفرك يدينك مستحـاً مـن سوايـاك

تغضي بعينك عـن عيونـي وميـدي
انك تعذر عن سبـب وقـت فرقـاك

تقـول والله تبـت ياسيـد سـيـدي
وانت العفو ليا زل اصغـر رعايـاك

انا ادري اني كـدت والكيـد كيـدي
وكيد المره ماهو على مثـل شـرواك

نـوخ مطايـايـه وقـيـده قـيـدي
واكسر غروري بنظرتـك لاعدمنـاك

لبك .. جديلي فـي يدينـك وتيـدي
جود عمود البيـت والبيـت بحمـاك

ياشيخ وصفـي ليارقصتـك نشيـدي
ياللـي لـك الطـولات منـا ومنـاك

جيتـك مـن اللهفـه توقـد وقيـدي
اخـاف تابـس والمعاليـق تضمـاك

ابرتـوي مـن جمتـك واستعـيـدي
روح العروق إليا ارتوت من ثنايـاك

ياغيمي اللي مـن بطـاه استجيـدي
نوض البروق إليا امطرت وانحدر ماك

ياوجـد وجـدي ياغلايـه وبـيـدي
ياكونـي اللـي مـا اهتنالـي بليـاك

يامي وابـوي وعزوتـي ياعضيـدي
ياتـاج راسـي ياحياتـي انـا فـداك

يامسهر عيونـي ومشقـي بريـدي
يامتعبـاً ربعـي بفعلـك وسـطـواك

ياأقوى نسم من واهجي فـي نهيـدي
يا آهات قلبي والنسـم مـن حنايـاك

يا أجمـل غرامـاً استبـد بجهيـدي
بذلتلك جهدي وعمـري ابـا رضـاك

وطوعـت لعيونـك سرايـا عبيـدي
وعذلت شعبي عن عتابـك ولا مـاك

وأرخصتلك روحـي وجالـك مديـدي
ذوداً من اشواق الغـلا سـار يبغـاك

لبيـه لعيونـك وتـقـراه مـيـدي
جيت اعتذر لجل استمع في وصايـاك

آمـر تدلـل واطلـب اللـي تريـدي
قول : أسمعي ثم احفظـي ماعطينـاك

وأقولـك يانـور عينـي وازيــدي
نصحاً على قولي وأحـذرك وانهـاك

إن عاد .. عدتيها ورحتـي بعيـدي
ليجيك شيئاً من العنـاء مابعـد جـاك

والله لأنفـذ مابقـى مـن وعـيـدي
لأجرحك واقفي وابتعد عنك وانسـاك