ماشريت الجيب ادوج فالحواري

صبحتوا بالخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماشريت الجيب ادوج فالحواري = مثل بعض الناس من حاره لحاره
اكبر همومه يفحط فالكباري = وعكسته للخط هي رمز الشطاره
يعرف المطعم شوي ولا بخاري = حافظٍ كل التفاصيل بجداره
وان بغيته فاللزوم وفالمساري = كل تفكيره على لمعة زراره
ليته من علمه يقرا فالبخاري = قبل ماينقال لهله ياخساره
قلتها واقولها لنفسي وغاري = شريتي للجيب هي راس التجاره
ماشريته غير ابا اجوب الصحاري = واتمشى بين دعب وبين قاره
في فيافي نجد في ذيك البراري = من سواحيق وطميه للخضاره
في فياضِ مابها غير الخباري = واليهق والحمض يجذبني خضاره
وان بغيت اشمل على ذيك الدياري = يم ابا القور المسمى والمغاره
في شمال المملكه يابو مشاري = ماتشوف النور لو هو نور اشاره
وان رزقنا الله بشي من الحباري = ابرك من اللي يحفرون الجحاره
هي طراة العمر يوم العمر جاري = سجة الاقدام تاره بعد تاره
بعد هذي دق فالخفاق طاري = يم نجد اللي غلاها فالصداره
يوم تليته سرى والليل ساري = ماتشوف اسطبتينه من غباره
عارفٍ دربه وانا وسط الغداري = مخلٍ القطب الشمالي عن يساره
حالفٍ ماوقفه جنب اللواري = موقفه قدام بيت اهل النماره
ثم طفيته بعد طول المساري = واخر الرحله سلام بدون اثاره
[/poem]

وسلامة من شاهد ومن قرأ ومن رد