انا من نجد يكفيني هواها ..! (( حضور اول ))..!

طابت اوقاتكم بالخير والسعاده ..

سعيد جداً بتواجدي بينكم في المرقاب العظيم

واللي يجمّّلني مع هالوجيه الطيبه ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا مـن نجـد يكفينـي هواهـا=ويبري لوعتـي شربـي لماهـا
يقولـه مـن يهيضّنـي قصيـده=حوى كل الجزالـه واحتواهـا
امير وشاعـرٍ عـذب السجايـا=وخال (أ)ملوك والعلّيـا رقاهـا
رحل وآقفى و ذكره ما تخفّـى=رجال الطيب مـا حـيٍ نساهـا
بقى صيت الفخر ينّذاع صيتـه=و روحْه رحمةْ الوالي علاهـا
عسّى الجنه تجي له من نصيبـه=ونفّسه يدّمـح الخالـق خطاهـا
اقوله والحقيقه مـن ضميـري=عقب هاضت هجوسي من غناها
حداني ما لجى في جوف قلبـي=مـن (أ)همـومٍ يتعّبنـي عناهـا
سبايـب مهـرةٍ كانـت قريبـه=عسّفها الوقت للغيـر وخذاهـا
تركنـي عقبهـا تايـه وضايـع=و روحي واصله فـيّ منتهاهـا
مغير اندب ضميري واتحسّـف=ونفسـي بيّحـت منهـا خفاهـا
عقب ما كنت نـاوي لا لفتّنـي=جموع المعتدين ألّعـن ثواهـا !
وآخليها تحـت ظـلّ الكرامـه=في حكم اللـي يذرّينـا ذراهـا
و آداوي في خفوقي كـل علّـه=ونفسي تاصل (أ)لغايـة مناهـا
لاكن اليوم ما هي منّ نصيبـي=حداها الوقت عنّ قرّبي حداها !![/poem]

وسلامة الجميع ..

ملاحظه |

الأمير المذكور في الابيات هو : محمد الأحمد السديري رحمة الله عليه ..

والبيت الأول من ضمن قصيده للمرحوم باذن الله ..