ليته يسمع اللي قلت ؟ !!

المشاركة الأصلية كتبت بواسطة فهد الجبلي

,


,


راح نصف الليل ابكتب لي " قصيده " , ,

.. .. .. .. .. .. .. .. وراح كله ماكتبت اللي بغيته . . !!


كل ما خطيت " بيت " اروح أعيده , ,

.. .. .. .. .. .. .. .. واذكر اني قبل مده قد قريته . . !!


هاجسي دايم " مطاريشه " بعيده , ,

.. .. .. .. .. .. .. .. لا سرا ليل الشعر قبله سريته . . !!

نغزي الجزلات .. ونصيد الفريده , ,

.. .. .. .. .. .. .. .. وان تردى في تماثيله عطيته . . !!


أشهد ان الحب لفحاته شديده , ,

.. .. .. .. .. .. .. .. يكشف سدود الرجل ويهد بيته . . !!


والمحبه مالها " شرع " وعقيده , ,

.. .. .. .. .. .. .. .. من دخلها عاقبت حيٌه وميته . . !!


صاحبي لولا ظروف الوقت بيده , ,

.. .. .. .. .. .. .. .. ما طواه البعد وأقفى يوم جيته . . !!


والله ان أحلامنا " ماتت " شهيده , ,

.. .. .. .. .. .. .. .. تحت حكم البعد .. وآنا ما قويته . . !!


راح عني يـ " الصواديف " العنيده , ,

.. .. .. .. .. .. .. .. أبكي كتاب الغرام اللي طويته . . !!


ماترك لي غير ذكرى من شديده , ,

.. .. .. .. .. .. .. .. صورته قبل الرحيل ,, وباب بيته . . !!


كم وكم غنيت فـ عيونه قصيده , ,

.. .. .. .. .. .. .. .. مير ليته يسمع اللي قلت ليته . . !!



مير ليته يسمع اللي قلت ليته


مير ليته يسمع اللي قلت ليته

والله أنك شاعر مبدع وجزل يا فهد
صح لسانك الف مره على هالنص

أعجبني كثيراً تسلسلك في الابيات وطريقة بدعك ممتعه


أعجاب وتحيه ومحبه