سحاب الوصل

السلام عليكم ورحمة الله وبركاته

وشلونكم يالربع كل ٍ باسمه والعذر على قلة التواصل..... الظروف والمشاغل

ما تقصر ومزود المرقاب كمل الناقص

بويتات للتواصل مع المرقاب الشعبي


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جذور العشق وغصون الاماني = ظماها زاد ياسمح المحيا
جذور ٍ ضاربة فاقصى المحاني = وغصون ٍ تحتها القلب يتفيّا
سحاب الوصل خلاها تعاني = بعد قفت به رياح الجفيّا
ظما البيد وحزن وامل المواني = تجمع فايسر ضلوعي هنيّا
بخفاق ٍ مع احساسي اناني = ليا مني بغيت انساك عيّا
لو انك غبت عن بالي ثواني = يفز القلب لعيونك حميّا
على درب السهر شيّد مباني = فالارض وغايته فوق الثريّا
ولا له ضيف من قاصي وداني = يكود الشوق جعله ما يحيّا
وانا ما اعصى خفوقي لو عصاني= ليا من قال هيّا قلت هيّا
احبك حب حتى وانت جاني = على وضح النقا مابه كنيّا
وابا احيا في محبتك متفاني = تهيا الوصل والا ما تهيّا
[/poem]