قصيدتان قصيدتان

القصيده لي موجهه للشاعر علي عواش القحطاني وقام بالرد
لعل ان تناسبكم القصايد
[poem=font="Simplified Arabic,6,black,bold,normal" bkcolor="white" bkimage="" border="solid,5,blue" type=2 line=1 align=center use=ex num="0,black""]
ياعلي بن عواش يالعملاق من مثلك رجل=فطين والناس الفطينه تنعرف من ميزها
عنتر وابوزيد الهلالي والزناتي والخطل= من يجهل اسرار الرسايل من عرف ترميزها
رسايلٍ من فوق ريش الزاجله فيها زجل=للعرب يابن العرب وشلون المجيز يجيزها
غوغا عجم يابن العرب يعزف لها دف وطبل=والمشكله يابن الحباب بصدرها وبعيزها
وانته من اهل المعرفه واللي تعلا مانزل=واللي نزل مايعتلي لوقال ابابعد نيزها
من يصفق الكفين للمجنون معجب به خبل= والحكم قلي ويش بالراكد معا نقيزها
يصبح بها الحاله عوج ياعلي والانه عدل=والاعلى مركازها ويطوف عن تركيزها
بالروس ياعلي الهوس ولاتخيل والعمل= على كذا والا كذا في حاجه لتعزيزها
لين الفلاش يبين فيه الثور ويبين الجمل=وكلٍ يعرف اشبابها ياعلي من عجيزها
الشاعر مرزوق العطاوي


0
0

الرد
يلي تنادي من مهل ولا تنادي من عجل=جيناك والدله على جال الوجار ابيزها
يقول ابن عواش من ياكل بصل يشبع بصل=وعيونك اثنتين شرهتها على تغميزها
راع المثايل ليش فكر لين جاب انا المثل=لن المثل نشز الخيال وفكر من تحفيزها
سوق الذهب مايقبل الفضه ولا صرف الهلل=ولي ماعنده غيرها يصبر على تحريزها
خل الضوامي تارد العد الرهاوي يامهل=وسمك يكفي عن علوم الناس من تلميزها
ياحيد يلي نازله بشويش من راس الجبل=شافيز حاكم فنزولا رشحو شافيزها
تمر الحسا معروف يامرزوق من طيب النخل=وهل الحسا تصنع بشوتن فنها تطريزها
وهل الجيوب الي جديده دايم خلف الابل=تطرد وراها ياالعتيبي ماشكت تغريزها
ماهم سوا من يلمح ابيوت العرب ولا دخل=تمسي وتصبح في عناها ساكنه دهليزها

للشاعر علي عواش الحبابي

[/poem]