متى تضحك لي الدنيا ؟!

بسم الله ,,

00000

000

0

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
متى تضحكلي الدنيا واعيش بجوها مرتاح = متى الأيام تصفالي وتنسيني معاناتي
أنا القلب الجريح اللي تَعَرّضْ مِشْرط الجرّاح = وأنا الصوت الحزين وهذي حْروفي و أبياتي
من أول مابْتديت أحلم وحلمي من يديني راح=تجرّعت الألم وأصْبحت أعيشه في بداياتي
وكُثر ماكنت أكافح واعترف بِانّ الحياه كْفاح = كُثُر ماكنت أوقّفْ والتِفِت من قُوّ صدماتي
حزين وكل مادمع الحزن من فوق خدي طاح =أحاول عن عيون الناس أخَفّي فيض دمعاتي
وابادلهم وفا والْقا جفا يستوطن الأرواح = واعَدّيها وأنا اشوف القسا منهم بنظراتي
وأمدّلْهم يد الطيبه وأياديهم عليّ شْحاح = واعَجّل بالرحيل وتِبْعدِ اعْن الناس خطواتي
واصارع قاسي الغربه وانا كلي ألم وجراح = ولاغير النجوم تسامر احزاني واهاتي
تعبت أحصد شقا عمري كأني للشقا فلاح = وتعبت أركض ورى حلمي وتبعدني مسافاتي
ولادري لي متى دربي نهاياته بيوت أشباح = ولاادري لي متى يبقى الحزن عنوان صفحاتي
لَكِِن دام الأمل باقي ونوره فالسما وَضّاح = ابانْقش فالصخر وارفع مع الرايات راياتي
وابا اسْعى لين ماليل الحزن عن ناظري ينزاح = واواصل لجل أحقق في حياتي كل رغباتي
عسى تضحك لي الدنيا واعيش بجوها مرتاح = وينساني الألم وانْسى بِنِسْيانه معاناتي




[/poem]