ياعلي ...

مالي عذر على الغياب !!
عذري إن المرقاب .. وأعضاءه دوووم بقلبي
ولكم وعد بتواصل الحب
إليكم حبأ لعلي العضياني ..ألقيت بحفل دعمه ..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه كان ليل العاطفه مخملي =يقول لي : قول ! وآنا أقول له: ويش اقول ؟
لاصارقلبي بأحاسيس الغلا ممتلي =ومشاعر الحب في صدري تصول وتجول
لازم قصيدي يجيني منهمر من علي =على لساني وتحيابه جميع الفصول
أمد له كفي المشتاق ويمدلي =ماينبت إحساس ..ويحررقيود العقول
ماكنّه ألاّ وحي فوق الورق منزلي= وماكنّي ألاّ لجزلات القصايد رسول
في ليلةٍ لاجلها بالطيب سقت جملي =وآنا وشعري على صدق المواعد عجول
(بيني وبينه ملازيم الرشاوالدلي)=أدق بابه ويلقاني بطيب القبول
أي والله أجيك مهماصارلي ياعلي =وعن جيّتي حفل دعمك ماش شيٍ يحول
وأشوف هذا الحضور أبسط حقوقك علي =مادمت ابن عم وافي ..ياعريب الاصول
ياسيدالشعر ..والاخلاق ..والأولي=في كل مافق على العيا تقول ..وتطول
هذا الشعرفي حضورك غمّته تنجلي=بالفتل ..والنقض بيدينك جميع الحلول
حضرت في شاعر المعنى بفضل الولي= وغلك القبيله من الفرحه تدق الطبول
حتى الشعرفي حضورك قال:مستقبلي..=شوفوه عند العضيّاني كبير الفعول
من عزوةٍ مالها بين القبايل حلي =لاقالوا :عتيبه الهيلا ..ذكرها يهول
أهل المواقيف يالتفصيل ..والمجملي =رجالهم لاوقف مافيه قدره ..وحول
فزعاتهم غيث لاشحّت كفوف الخلي=لوتنتخي في عتيبه جوك مثل السيول
غيرأول المجد مهماصار ماتقبلي=يالله عسى نجمهم نماينحدرللأفول
وأنا أدري إن الصدورمن الحماس تغلي= وكلٍ على شاعر المعنى شعب له ذلول
لكن بأقول كلمه ..وأسمعوا مايلي =علمٍ يجيب الجبال الشامخه للسهول
الشعر فينا ..ومنّا علّم الجهلي = اللي لفوا للشعر من باب حب الفضول
ياليتهم يتركون الشعر لك ياعلي = لأنّك أنت الوحيد اللي تقول ..وتطول [/poem]