رقم التليفون

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جيت الطبيب وقلت أنا انسان مرضان =وفحص علي وقال قرحـه وقالـون

وجاب الحبوب أصناف واشكال وألوان =قال أكل هذي قلت مانـى بمجنـون

قال أنت تلعب قلت مانـي بسكـران =أكل حبوب (ن) جبتها ملـي كرتـون

ومشيت من عنده معصب وزعـلان =وجيت المطوع قال اخذ زيت زيتـون

قلت السبب قال أنت بالحيـل تعبـان =عندك قلق ومصارعة جن وعيـون

قلـت الله أكبـر يامطـوع سليمـان =اللى تبيع الزيت والنـاس يشـرون

يمديك من بيعه مطنطـخ وفسقـان =ويمدي رصيدك فوق عشرين مليون

قال انت صاحي قلت صاحي ياوجعان =أنـت وطبيبـك كلبوكـم تهلسـون

أنا بلايه من هـوى خـدر الأعيـان =أشحن غلاه وخاطرى منه مشحـون

أتلى العهد بـه يـوم روح مسيـان =عصرية الجمعه على جيب صالـون

جيته موقـف عنـد كبـري بنبـان =فى جيبهم تهريب علبـة دركسـون

وعطيتهم جيك(ن) من الزيت مليـان =قالوا نبـى نعطيـك رقـم التليفـون

وفطنلـى السـواق والعلـم نيشـان =قال امش قلت أبنتظر ليـن تمشـون

وتابعتهم والجيب مسـرع وعجـلان =أذنهـم فاحـدى المحطـات يقفـون

وعلى مغيب الشمس مع وقت الأذان =قلت أنهم حـول أم سـدره يصلـون

وسريت معهم ليـن وازنـي أبـان = ولفـــــيـت للبتـــراء وعيـوا يلـفـون

واخذت رقم الجيب ابي منه عقـلان =وروابع المشتاق من دون فـى دون

وجيت المرور وقلت وان آجـده وان =عطونى برنت(ن) مصدق ومضمـون

وقالوا من أنت وقلت أنا بدر شامـان =فى حب هالمجمول مغـرم ومفتـون

قالولى الحاسب لـه أيـام عطـلان = وليشتغل تامر أمر يابـن ميمـون

[/poem]

لـ الشاعر : بدر بن شامان المطيري