سقى الله سنيات ٍ مضت لي ونا بزر

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سقى الله سنياتٍ مضت لي وانا بزر = وانا جاهل درب الهوى ما عرف لونه
وانا دمع عيني كل ما هل من شهر = هماليل واخفي عن هلي لا يشوفونه
ونوب تهل دموع ونوب دمٍ حمر = ونوب كما عد ٍ هل الطرش يردونه
أنا حالف ما انساك يا هايف الخصر = ولو كان قبري قاعة الحيد يطوونه
ولا ياهل المجمول ماعاد بي صبر = وذي بندقي في ما تقولون مرهونه
ويا عم..يا المنعور مافي يدي حجر = بزيّك يبي سمح القبل داعج عيونه
أبو لبةٍ عفرا وطوقٍ على النحر = ويا مخبلك يا عاذل القلب من دونه
ولا يمّحي حبٍّ عليه اللحم جبر = سطى في العظام وصافي الدم من دونه
وانا ماذبحني كود ابو مبسمٍ حمر = تجيبه حلوم الليل والبعد من دونه
ويا ونتي ونة مريضٍ به الخطر = توعّى وشاف الخام فوقه يقوسونه
الا يا وجودي وجد من لا بلي صبـــــر =صبور ٍ على الفرقى ليا غاب مضنونــه
ويا فوح صدري فوح بنٍّ اليا طفر = تعدى الحدود وسجوا اللي يصالونه
ومنزالهم مابين (ساده) الى (همر) = ورمث الزبار الزين ما هم يحلونه
عسى من يلوم القلب في ناقل الزهر = يجيه العمى وانا من اللي يقودونه[/poem]

نسيت لكذا شاعر .....فمنهم من نسبها الى شاعر نفيعي وهناك من نسبها الى شاعر يامي