عاتق العاقل ...و... موال الظلال

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تعال...وإترك هرجة الهرّاج.والعذر السمين = يجلا صدى سود القلوب وغيّها في كل حال
تعال...والهرجه لها مظمون والخاطر حزين=والصبر حمل وعاتق العاقل مثل صمّ الجبال
لولا الحديث اللّي قريته في رياض الصالحين=كذبت من قال الثلاث البيض من ظمن الليال
بيض الليالي سود في عيني ولا ياملّ عين=من صد عن ظول الاوادم عمد والهمال سال
يفرّقه رمش العيون بهون فوق الوجنتين=ويمرها صلوه مثل نارٍ حطبها من الجلال
أعني ماقول وكل مايزعلك يالقلب الفطين=آخذ منه ماسد حاجات الجواب من السؤال
في ذمة الحلم ومقام السّلم والعلم اليقين=مايقنع سبور الحقيقه من ورى رّجوم الخيال
أمور يندى لها جبين الكاظمين الصابرين=ويدوسها المذهب تحت رجله مثل دوس النعال
وش يدمح الزله ورى الزله بحق الأقربين=أخو وإبن عمه وعم وجده وخاله وخال
أتعب ورى الأسباب وأجهد فالطلب وأقسى والين=وأرجع مثل ماني رقيت ولافقدت الاّ الآمال
أسباب ماش أسباب.والخافي بعد مده يبين=وتقظّت المده وحلّ اللغز باقي لايزال
وإنشلّت كفوف الوصل والحال عيّا لايزين=الله يبارك فالأهل والمال ويديم العيال
من يحقر الجلسه ويصغر في عيون الجالسين=يغني الشيطان في رأسه مواويـــل الظلآل
وتسوقه النفس ويقف بين الثلاثه والثنين=حتّى يقول فلان قال وقلت له وفلان قال
ويومين والاّ سبوع والا إن طوّل الماد شّهرين=ويصير موضوع الهجر من بينهم مثل الحلال
ويبحل بهم من يبري العلّه وأبوعقلٍ رزين=واللي يحب إصلاح ذات البين مايلقى مجال
شفنا مانستنّكر وحنا مع بعظنا مّقصرين=في وقت زود العافيه والنعمه وزود الريال
في وقت تسهيل المصاعب في بلاد المسلمين=وكثر الوسائل للتواصل بالنقل والإتصال
نقرى المظاهر بالبصيره مانعيش مغفلين=وندري بتجّار الكلام ونعرف أنصاف الرجال
والحكي لاقصّر قوي فزعه ولاطوّل يدين=خيال من جو الخيال وفي كنف جرفٍ هيال
والظيق مثل الفقر عوّد في حلوق الطيبين= الله يخارجنا منه ويزول قدام الزوال[/poem]