,, زيّني وجه الليالي من صفاتك ,,

مع التحيه والتتقدير لكل العابرين

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرني طيف الغرام وذكرياتك=يا مسا همس الوليع ويا صباحه
روّحت لي الف همسه من شفاتك=والرهين الروح من يطلق سراحه
زيّني وجه الليالي من صفاتك=واحرمي حلم القطيعه من نجاحه
وقّفي للشمس من اربع جهاتك=والشبه يعطيك حق الاستباحه
ارسلي فيّ الغلا من طيب ذاتك=واتركي طير الفرح يرقا جناحه
ابعديني عن مرامي فلسفاتك=واطلقي كل الاعنّه للصراحه
هاتي اجمل شي من قصة حياتك=وامنحيني شي من تلك المساحه
اثبتي للمهتوي قوّة ثباتك=واغرقي راع السماحه با السماحه
عانقي حشمة شموخك في عباتك=وزاحمي حشمة شموخي با البراحه
امنعي كيد العطا من معطياتك=وصافحي كف الوفا راحه براحه
يا حلا جدّك حلا ومجاملاتك=يا حلا كل الحلا بيدك وشاحه
مرني طيف الغرام وذكرياتك=يا مسا همس الوليع ويا صباحه[/poem]