لــــــــولاكــ

عسى ان ترفا لذائقتكم
[poem=font="Traditional Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حسيت طعنتك يا عزآه في صدري وبقفاي = وقفاي ما هو كما صدري وزلتك محسوبه

تسلم يمينك ترى عمّقتها في داخل حشاي = وحشاي ضحت كثر ما ضحوا رموز العروبه

ما عوّرتني معوّرني عليها ضحكت عداي = وعداي وريتهم جرح الأحبه واضحكوبه

شابت عيوني وانا متحمّلك واشكي لمولاي = مولاي لا يسرف بتعذيبي ان كنه عقوبه

بانت ولا عاد تخفيها دخيل الزاد والماي = والماي والطرقي اللي كان في ظهر الركوبه

لولاك ما ضقت من ثوب الغلا والأّ انت لولاي = لولاي يمكن من أيامك تعورك الرطوبه

الله يعينك على بلواك والاّ شفت بلواي= بلواي فقدي لأعز الناس نوبه بعد نوبه

كنت الوحيد اللي تتسابق عى شوفاته خطاي = وخطاي عنيّتها في درب من تاهت دروبه

درسٍ اخذته عساه يفدني في وقتي الجاي = والجاي ما هو كما اللي راح والدنيا غلوبه

ألقاك لا عادك تفكّر وتتعشم بلقياي = لقياي يصعب عليك من التمني والصعوبه

وما همّني لو مقعادي لحالي فوق مركاي = مركاي لأحدن يعذربّي وانا ساتر عيوبه
[/poem]