أخذها من محمل الجد والا مشّها

للتواصل ..

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوليفي من مشاعرك وأنت أول عشير=غد روحي يا اطرق العود والا عشّها
من سنه مازارني منك طيف ولا بشير=وأنت من غيرك معاليق كبدي حشّها
تحسبني عشت مرتاح والا أني بخير=وين أنا والخير والحب روحي غشّها
طاولتني ضيقة الصدر يالقلب الكبير=من ضحى فرقاك بالصدر تزبر قشّها
لك بقلبي كلمةً كنها حد الشطير=اذبحتني كل ماقمت عنك أخشّها
مير دوكيها على طول قدام استخير=أخذها من محمل الجد والا مشّها
والله انك غير هالناس عندي غير غير=لو تزيد اهل الوشايات فيك ابوشّها
الغلا عانه مخيّم على الضلع القصير=من كثر مااغليك حتى عروقي نشّها
زارعً لك وردة ًما معك فيها خشير=كل يوم اسقي لك عروقها وآرشّها
من غلا صورتك لا صرت هنداب الضمير=ودي اني عن عيوني معاد اكشّها
ايه والغلطات لاعاد تحسبها كثير=طشها للريح طالبك تكفى طشّها
عاد وانت اليوم الأغلى والأول والأخير=اسق كبدي من مشاعرك والأ حشّها
[/poem]