ويل حالي يا السلامه ..!

/


\




شوفتك مثل المطر وعيوني الثنتين صحرى
....................مجّدبه ماعاد فيها دمع يستاهل ملامه


قبل مده في خدودي لأزرق الدمعات مجرى
..................جددي ماها وبليّ رمش عيني ياغمامه..!


لين تنزل دمعتي من شوفتك واردف بالأخرى
..................وإن تكابرتي عليها مالها غير العمامه


الجروح إستوطنت روحي ولاّ ضنيت تبرى
...............وإن لفاها جرح مستذبح ترحب بإنظمامه..؟


ازرعي فيها الوصل بعد الهجر وتصير خضرى
..............واذبحي مارد غرورك وارفعي للحب هامه


واسألي قلبي عن ألآمه وهوّ عن حاله ادرى
.............. كل ركنٍ من ركونه فيه من سيفك علامه


ليه..؟ سيفك في مثل شرواي يجرى كيف يجرى..؟
...........ما استحى مني وانا اللي يحُترم لإجل إحترامه


كوني انتي لإجل ذاتك فاتنه وأسموك عذرى
...............مع مفاهيم الغرام ولآجل ما يخربّ نظامه..!


ضحتك يوم التفاني مشرقه واليوم صفرى
...................ظالمه والظالم بيرفع لقاضيك اتهامه


المشاعر في سجن حبك ليا هاليوم اسرى
.............حرريها لين يصدح بالعفو صوت الحمامه


الحزن في سد وجهي ساتره وازريت وازرى
.............لا بغيت اصد يظهر في الملامح تقلّ شامه


ليلي الحالك عتيم وليلة العشاق قمرى
............صرت من يندم على حاله ويستنكر مقامه..؟


بعد ماكنت الطليّق بعالمي من دون حذرى
..........صرت اجالس وحدتي والليل يكتمني ظلامه


وكل دربٍ موحش بليله يجي ليّ فيه مسرى
............والهوى يعّرف محطاتي ويشهد ليّ غرامه


لوّ عطوني كنز كسرى وش يساوي كنز كسرى
..........ولوّعطوني كنز قيصر زاد في قلبي ندامه


مالي إلا من عطتني حبها من دون مشرى
..........كنت احسب إنه يدوم وتلتبس روحي دوامه


وكنت احسب انه هديه واثرها تدري وتقرى
...................عن مأثر حبها فيّه..وقفّت بإبتسامه...؟


مكرها ماهوب بيّن..! كيف لوّ للناس يطرى
............ينثني عزم العزيز..ويرتفع راس النعامه


ماحصل ليّ غير ذكرى جارحه ماهيب ذكرى
.........والطمع درب السلامه ويل حالي يالسلامه..؟



/



\




أبو سحايب