قوافل الشوق

لتجديد العهد مع المواهب :

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامبعد الدار ليت الصبر ينفعنا=وألّا يغيب الوله لاغبت من حينك
على كثر ماظروف الوقت تمنعنا=قوافل الشوق ماتخطي عناوينك
عيت جسور الهجر والبعد تبعدنا=ورجعت لأحلى ليالي الحب وسنينك
بلغ سعادتك لو الهجر يسعدنا=ماكنت أنادي ورى صمت الزمن وينك ؟
ابحر بحبك وحين أرسي بواقعنا=الّا وأنا يديّ تحضن راحة يدينك
لا يا أتلع الجيد سيف البعد يقطعنا= تعال عط قسوة الأيام من لينك
حياه من دون قربك مالها معنى=والطيف مايكتمل من دون تلوينك
والموت من سحر عينك ما يوادعنا=سلّم على سحرك وسلّم على عينك
والعذل عن شوفتك ماهوب يردعنا=ودينك على ديني وديني على دينك
في كل لحظة .. من الأيام تجمعنا=ودي أقول: الك كلمة بيني وبينك
تعال قرّب لا أحد يفطن ويسمعنا=يازين الأيام في قربك ويازينك[/poem]