الشيب !!

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشَيب يا راسي ضريبة جهادك =ومجابهة وقتٍ بما فيه ولَى
حتَيش لو قام يتلاشى سوادك =ما دمت بالصَبر الجميل اْتحلَى
والعزَ والشَيمة شرابك وزادك =للنَاس ما تعلن خضوعٍ وذَلا
واليا على نفسك بنيت اعتمادك =اتروم هامات الشَرف واْتعلَى
ووصايتك في همَتك واجتهادك=ما هيب سنَة عمر لا والله اَلا
واجب عليَه وانت ياراس عادك =اسود وقدَام البياض ايتجَلى
وشلون لا منه اشتعلبك وسادك =ما راح عن سلم الكرام اْتخلَى
واخير من قرب الرخوم ابتعادك= لو عشت في قفر الوحوش المخَلا
وممشٍ مع العيَة سبب لنتقادك= حتَيش لو لاجيت رحَب وهَلا
ان ما هضم قدرك ما والله زادك = دلوه على العدَ الهماج ايتدَلى
واليا سريت بطرقتك واهجادك = يقوم يهرج فالقفا ويتسلَى
كبَه لا صار الطيب غاية مرادك = ماينفعك في سود الآيام وَلا
وقت الرَخا تلقاه واقف وصادك = ويقول انا زبن الدَخيل المجَلا[/poem]

هزاع الشيباني