شاعر قبيلة عتيبه فـ / الزمان الأخير ..!

سلام عليكم كلـّكم : )

مبطي عنكم وعن القصيد ولا عندي إلا الرساله هذي .. جديده ..!

صادره لـ / طراد بن مساعد الشبلان .. أطال الله في عمره : )

:
//
:

يا طراد سلـّم على خشمك سلام ٍ كثير
وإقرأ الرساله من أوّل سطر لـ / أخر سطر

:
//
:

أنا ولد جدّك الأوّل .. وأخوك الكبير
وإليا بدا لازمي .. شرواك ماله عذر

:
//
:

وأنته حفيد المراجل والمقام الشهير
أبوك راعي سطر .. وأبوه راعي سطر

:
//
:

واليوم جتك الرساله عبر بث ّ الأثير
لاصرت قايد سريـّه .. دوك علم وخبر

:
//
:

علمي سلامتك .. وأنت اللـّي تحدّد مصير
رسالتي .. عقب سلـّمتك زمام الأمر

:
//
:

أنا منوّل خفير وجاء بدالي خفير
وش عاد باقي تبي منـّي يا ضابط خفر ..!
:
//
:

وإجازتي تنتظر توقيع .. وأنت الأمير
والألف كيلو متر .. بيني وبين الحفر

:
//
:

شاعر قبيلة عتيبه فـ / الزمان الأخير : )
من حد ّ جدّه ومكـّه لـ / الحساء والخبر

:
//
:

في كل ّ محفل شعر .. يزهاه جمع ٍ غفير
أحضر .. وأشارك بني عمي .. وأقدّم شعر

:
//
:

لا صارت الحفله اللي عذرها .. ما يصير
سيـّرت الأقدام في دربي .. ولا لي شكر

:
//
:

لو أعتذر قيل [ خلـّه عنك ما فيه خير
لو كان به خير في ساعة لزومه .. حضر ]

:
//
:

من واحد ٍ لـ / الردى .. يدعيه سلك الحرير
ما يدري إنـّي على الميعاد .. وإلي الفخر

:
//
:

دايم لسانه على الأجواد سيف ٍ شطير
وإليا دعى الماقف الغصاب .. باعه قصر

:
//
:

وأنته ما ترضى الكلام اللي يحس ّ الضمير
خص ٍّ على اللـّي مثل شرواي .. شان وقدر

:
//
:

قل ّ [ لا تجي ] .. وأنت تقدر .. ما تبي لك شوير
وإليا عطيت الأمر .. ما أحد ٍ يرد الأمر ..!

:
//
:

وخلاص : )