((عسى اللي جرالي في غيابك يجيك وزود ..!!! ))

السلام عليكم

وصبحكم الله بالخير

متواضعه والسموووحه على الغياب يا الغالين




[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى اللي جرالي في غيابك يجيك وزود = تضيق الوسيعه فيك وتعاف مرقادك
تعاني من الفرقا وكنّه عليك اقيود = سجين المشاعر وأكثر الصبر مافادك
تزاحم عليك جيوش همّك ولا لك فود = يا غير الكــدر والضيق والحزن ميرادك
يموت الفرح في دنيتك والاســى موجود = تشح السنين بقلب ميت من احقادك
ولا ينفعك كثـر التوجّــد وحالك عود = ولا لك رفيــــقٍ عن طريق الخطا قادك
وتنـــدم على هجري وحبٍ عليه شهود =غــرامٍٍ حقيقي ضاع مــن سبّـت عنادك
غرامٍ على وضح النقا والوفـاء معقـود = فديته بــروحي لأجـــل خاطرك واسعادك
سقيتـك مــن أزلال الغــلا والعبــاد رقود = وسلمت لك قلـبٍ حـرق قـلـب حسادك
ولا طعــت بك عـــاذل ولا جيــت للمنقود = سليــم النوايــــا تـــاركٍ هــرج نقـادك
زرعت الامـل في دنيتك والامــل مفقود = رسمت السعادة فيك وانعادت اعيادك
كتبك القصيد أغلى البشر بلسم الملهـود = بدعــك بقصيــدٍ مولــــده يــوم ميلادك
ولا كنت اظنك بالدلـع والعيــون السود = تبي تخـــدع الخافق لأجل غايــة أمرادك
طعنت الخفوق اللي بذل لجلك المجهود = ولا صنت عهد الحب واخلفت ميعادك
رضيــت الخيانــــه منهجك والغلا مجحود = مشيت بطريــقٍ بالكدر والحــزن زادك
وذا الحين ماني في وصال الغلا محدود = ابمسح حروفــك دامنى ناوي ابعـــادك
وخلك مع اللي يجرحك وافهم المقصود = تعيش العمر كله تحــت سلطــة اسيادك
وانا حر نسل احرار وافي سليل العـود =ادوس الغلا ما ارضــى تلبّسني أقيادك
وعسى اللي جرالي في غيابك يجيك وزود = تضيق الوسيعه فيك وتعاف مرقادك
[/poem]