(عشيرة).!

أبيات بسيطه ومعبره تشرّفت بإلقائها في حفل زواج الزميل والأخ:خالد بن عبدالله الكريزي

الشهر الماضي.,



[poem=font="simplified arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

حضرت وبداية حضوري باالتحيه والسلام=للحفل وحضوره من أهل الدار و(إ)من أجنابها

حضرت من باب الوفا والمعرفه والإحترام=أشري رضا أصحابي على الدنيا وأبيع عتابها

مبروك ياخالد عسى أفراحك تجدد كل عام=تقضي حياتك في سعادة عمر ماتشقى بها

وصلتني الدعوه وأنا مشغول في زام ودوام=لكن ملازيم الرجال اللازمه نبدا بها

ولاعليّه لوم يوم إني تركت الإستلام=وش خانة أصحابٍ ماتحضر فرحةٍ لأصحابها

مشيت من جدّه وأنا كنّي على متن الغمام=ترقى بي الفرحه سنود ولاقدرت أرقى بها

جايٍ لديرة ربعي الهيلا مقابيس الظلام=اللي عسى الله مايشتّت ماتلمّ أنسابها

الديره اللي من قبل يقدم على الحكم الإمام = وحدودها يأمن بها الخايف ليا صلّى بها

أم الشداد اللي ثبت راعيه في وسق السنام=والطيّبه حظّ الرّجال الطيبين أولابها

من يوم أهلها في بيوت الطين وأروقة الخيام=لين إنّ إبن جهجاه شيّدها وشدّ أطنابها

من عهد أخو شرعا وإبن هندي عساهم للرحام=مافيه تاريخٍ يمرّ الا يحسب حسابها

لاد الكريزي عزّ من هم عزوته يوم الزحام=من قام حظّه في نهار الضيق مايبلابها

من كثر مالــ(عشيره) وتاريخها عندي مقام=ماأظنّ يوجد في عتيبه شخص مامارابها

على غلا ديرنا وكثر ديارنا شرقٍ وشام=ماقلته الا من غلا أهلها وحبّ ترابها

[/poem]