(( المتفلسف الغادي )) .. !!

السلام عليكم ورحمة الله وبركاته


دعوها تمر مرور الكرام




يدور الوقت ويجور الزمان ونكشف الأهوال
من العقل الضعيف الناكس المتفلسف الغادي

يدور الوقت واليا دار نكشف حيلة المحتال
ونعرف وش ورى عوج الضلوع ووش فالاكبادي

مصيبه يوم شاف النفس والواقع عليه محال
وهو فاالدرك الأسفل مايغير موجة الرادي

ومن فكر بنفس الفكر يقصر دونه الفنجال
ضعيف الفكر ماله عندنا دله وبرادي

وانا مانيب متحسف سوا يوم أحسبه رجال
أظن بخير فيه وظني الماخوذ مافادي

وأثره اللي على طبع النجاسه فاهم ودجال
يدرب له بلاد .. ولكن .. الله يكرم بلادي

مدرب مع وسام الذل .. ماناقص سوا تمثال؟؟*
ويفخر بالمناصب والمناصب داخل النادي

علومك ياضعيف الفكر ماتنقص من المكيال
ولالي مجلسً مع منكرين الملح والزادي

تبي تبقى كذا متحيرً بين السما والـ ال
لاعديت السما ولا لفيت العد ورّادي

حداك الظيم في وقتً قريب وصرت ابه مهتال
ولديت النظر يمي وجيت تصيح وتنادي

رأفت بحالك الهالك وشلت الحمل بالجمّال
ولاهمي لأني واحدً من ضمن الاطوادي

تعديت الحدود وجاك مع مندوبي الإيصال
يدلك للسنع يا .. هيــه .. عقب انحيت للوادي

أخوكم ،، عادل*الاسعدي*