....نوح الحمام....!

/


\


.





نوح الحمام أقسى..على الولهان من صوت..النغمّ
...........لاقام يسجع وانقطع..من نبرة الحزن..نسمه

نوحه يعلمّ كلّ عاشق..ويش مفهوم الألمّ
..........واللي مايعـّرف وش تفاصيل الجروح..يعـلمه

وانا على صوته..بديت أشعر..بتأنيب وندمّ
..........مجرم مشاعر..لكن إني طحت ليّ في..مجرمه..!

إجرامها في زينها..المجرم..بشكلٍ محترمّ
...........يعطي رساله..يالبيب..(أبعدّ..وقلبك..سلمّه)..؟

كنه يقول الحب فيه المنظلم..وإلليّ ظلمّ
............لاتقترب..ثم..تغترب..ترى..النتيجه مؤلمه..؟

كابرت..لين..اصبحت..انا الراس..الشجيع..المنهزمّ
............ والخافي الله يعلمه..اي والله الله يعلمه..!

في كل موطن,,عشق..اعمّر ليّ قصر..وارفع علمّ
.........شاعر ولا يوجد فـ قاموسي ..فتاةٍ ملهمه..؟

بيتي على صدرّ النوايا..ظربته..مثل السهمّ
.........ياما كشف..ليّ وش مكابيت الصدور المظلمه

اقصرّ..قصيده قلتها..تازن..لها بعيني..هرمّ
........والبيت منها في ضمير الشعر..يسوى ملحمه..؟

يكفيني إني مرضيٍ..ذاتي..ولوّ..ماني..نجمّ
.........كم نجمّ..ماله..نور..والشرهه على إلليّ..نجـّمه

واليوم أنا في وجهه من يحيي..عباده من عدمّ
.........إن مارحم..قلبي..من الليّ..عاد..غيره..يرحمه.؟!

طبيت في بحر..الهوى..شامخ وصرحي..ما أنهدمّ
.........حتى ولوّ إن المشاعر..للغرقّ..مستسلمه..؟

لبيه..! يامن شتتتّ..فكري..وأنا بأقسمّ..قسمّ
........بإن الجمال بهيبته..ياخذ..من..أغمضها..سمه

وجةٍ..من الوان الطبيعه..بالتلاوين..إنرسمّ
.......ودي..بتوصيفه..ولكن..خايف..اسهى..واظلمه

من قوة التركيز..أقلبّ بالأصابيع..القلمّ
........وافحل فحول الشعر..فيها..ينكسرّ راس قلمه

جسمٍ تمخطر به..يجاوب عن سؤال؟..أحلى..جسمّ.!
.......واعذب عناوين القصايد..في..وضوحه..مبهمه

اكتب شطر..وأمسح..شطر..واخذ من..انفاسي نسمّ
........ بيتٍ..يوسع..صدري..بـ معناه..وآخر يكتمه

من لينها..ماكن ربي..خالقٍ فيها..عظمّ
.........ولامن تثنت..كلّ..صلبٍ..بالتغنج..تقسمه

ترمي بخصرٍ..منطوي..يهضمّ تجاعيده هضمّ
...................ويتوه الرسام..لامنه..تخيّل..يرسمه

لاشافت المُعجب..تردد له..لا بله ماسلمّ
...............وإن شافت..النقـّاد..من سحر الأنوثه تلجمه

الزين..حتى ماظلمها..كلّ قِسم..وله قـَسمّ
...............كنه يقول..ابعد..ترى نفسي فـ هذي.. مغرمه..؟

في عينها راح المحامي..والبري..والمتهمّ
.........ماعندها إلا..إعدام..والتنفيذ..وسط المحكمه.؟

قفتّ..ومن..صدمتّ..ذهولي..بالنواظر..تبتسمّ
.......قلت أرحمي..شاعر..توقفّ وسط شريانه..دمه..؟

قالت ترى هذا..الهوى..يبخلّ..ولاعنده..كرمّ
............كم..ضيف..قبلك يالبنادم..مالقى..من يكرمه ..؟

راحت وراحت..كلمتي..وانا على نفس..الرتمّ
........مجرم مشاعر..لكن إني طحت ليّ في..مجرمه..!

/



\



.



أبو سحـــايب


.