مجاراة قصيدة العود الكبير للرمز عبدربه

السلام عليكم ورحمة الله وبركاته

قبل 3 سنوات قريت قصيدة للمبدع عبدربه بعنوان قصة العود الكبير

وابهرتني في حينها ولم اجد ردا يلائمها وقلت ارد بعدين ورحت وغبت عن المرقاب

وقبل يومين لقيتها هنا في المواهب وقريتها وكاني اقراها اول مرة وحبيت اجاريها

حتى لو مرعليها هالفترة الطويلة مع يقيني انها لن ترتقي الى مستوى قصيدة الرمز

عبدربه ولكن من باب المشاركة لا اكثر



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقريحة جاوبي معنى البيوت النادراتي = ونبهي هجس القصيد اللي مطول في سباته
لو ثلاث سنين مرت بعد قيلت لا تحاتي = الكلام الحلو طول الوقت زود في حلاته
عبدربه جاب له دلوين من نهر الفراتي = وصبها في جوف حلق الشعر لين انعش لهاته
لا تواتى يابن عاصي ما هي بلحية تواتي = حالة ٍ تحتاج منكم يافتى الجود التفاتة
ما توفى الشايب المنعور محمود الصفاتي = لو اله مدة ينازع مير ما حانت وفاته
وما جراله من بناته من جروح ٍ غايراتي = لو يغيّر في شعوره ما يغير في صفاته
يمكن يعوّد مثل ما كان فاعلى النايفاتي = وتجتمع داخل مشبّه سادة العرف وثقاته
والبنات اللي رمن العود في حوض الشماتي= حالهن بعد الذنوب اليوم يدعو للشماتة
الكبيرة ماتت ودفنت قبل تصبح فتاتي = روّحت ما استسمحت في يوم شايبها وجاته
واختها الصغرى نشت منشا البنات الصالحاتي= ومسكت فاول صباها منهج العود ووصاته
مير ماجت عن سلوم العود زبن الوانياتي = ولبست ثوب المهانة والشرف طشت عباته
وكشخت ثم ارتخت تحت القصور البارزاتي = ومدت ايديها تبا كل ٍ يناولها زكاته
حب كتف وحب كف وكف كف الواجباتي = صار ديدنها ومبنى الشايب هدمته فتاته
في ختام السالفة ياسادتي ياسيداتي = طاوعوني عوّدوا للعود عودتكم حياته
ساقني نسناس حبي يوم اقول وذكرياتي=والسلام ورحمة الله في ختامي وبركاته
[/poem]