"جنة" العشق للعاشق "عذاب" !!

[poem=font="Simplified Arabic,4,blue,bold,normal" bkcolor="white" bkimage="" border="solid,3,black" type=2 line=0 align=center use=ex num="0,black""] ياحبيبي بعد طول الغياب = سمْ سمَّ السبايب ياادمي
كل يوم انتظر رد الجواب = مل مرسولي وجف قلمي*
الحروف انتهت والقاف شاب = وانت مااصغيت لي ياملهمي
المشاعر على القلب المصاب = كلبوها مهاليك وضمي
والهجر شرّ وسيوفه حداب = وقعها بان وسمه فـ/ لحمي
والوصل لاغدا مثل السراب = ياصواديف روفي وارحمي
ما حصل شفّي ولا العيش طاب = حظي اقشر وقلبي منعمي
"جنة" العشق للعاشق "عذاب" = مار ياروحي اشقيْ وانعمي
ما حصل لي نعيم ولا ثواب = غير تعذيب قلبي وقدمي*
مار ياملهمي سمح الجناب = اصغ سمعك لما ينطق فمي
الجفا بالغ(ن) حد النصاب = وانت تدري بحلمي وعلمي
*لاتلوم الغلا لن كان ذاب = ميسم الشوق باقي محتمي
ضاع عقلي وضيّعت الحساب = موسم الناس ماهو موسمي
اثنعش شهر بعد الظن خاب = دوب تدبي وأذاها مركمي
تدري أنك طعامي والشراب = والهواء اللي يداوله نسمي***
وانك معرب الجد ومجاب = ماوجد لك شبيه ولا سمي
لو تسوّ المناكر ماتعاب = وانت مني ولـ/أصلي تنتمي*
مار فعلك نقض مبدا الصواب = والخطأ مايجي من مسلمي
اصلح اليوم ماافسده الخراب = فالزمان العبوس المعتمي
فاتح لْعذرك المشبوه باب = وان تعذّر ترا مايلزمي
المهم أني القا لك جواب = لو مجرد رسالة "كولمي"
يدمح اخطاك ويزيل العتاب = وتجدد غلاتك في دمي !! [/poem]
.
وسلمتوا