تجربة عمري ..!

بويتات للتواصل..بعد الغياب


/


\




..





أخذت من دنياي درسٍ ورى درس

..........................من تجربة عمري هذا اللي وردني


غرست معروفي بجوف الردي غرس

..............................ماكنت أعرفه لين بار وجحدني


لامن طروا فعلي سموعه غدت خرس

............................حتى على لبسة شماغي حسدني


لاطحت من جور الزمن قالي حرس

............................أقرى عيونه وأدري إنه قصدني


الطيّب أخذ من تجاريبه الدرس

............................ولامن بغاني في لزومه وجدني


أسوق له شعري على خدة الطرس

...........................شرواه لامن غبت ضاق وفقدني


قيصر وكسرى قادوا الروم والفرس

.............................بالمال وأثر المال لو زاد يدني


ياراسي أثبت لابدت علتك وأرس

..............................نفسي غنيه لو زماني لهدني


لإني مع الرديان ليّ ماقفٍ شرس

..........................وهذا هو الليّ في زماني فردني


وإن جتني اللقمه على الناب والظرس

.............................طحنتها ثم قلت يارب زدني


ولا أرخصت وجهي في عزيمه ولا عرس

.........................من شان لا القى عاقلٍ ينتقدني


/



.




أبو سحايب



.