اعادة حساب المسار / قوية باس !!

البنت .. مثل الزجاج .. يبان خافيها
من موقفٍ يتضح لك .. طِيب معدنها



واللي تبرّى .. وتخلى .. عن مباديها
لاتنتظر خيرها .. *لو قيل *.. ما ازينها



واللي على العزّ .. *منشاها ومرابيها
قليل منهو من العالم *... يثمّنها !!



والحسنه .. اللي ورى السيّات .. تمحّيها
حنا*نجاهد .. *على الدنيا .. ومفاتنها



احلامنا .. *كم نهدّ .. *وكم نبنيها ؟!
وكم ضيقةٍ في ضلوع (الصدر) ندفنها



واذا تعثّر *حظوظ العمر .. وش فيها ؟!
ماهو من الدّين .. *نندبها .. *ونلعنها



كم من قلوبٍ ترفّع عن طواريها
لو وسوس ابليس .. فيها .. ما تمكّنها



اسمى ايات ..التفاني .. في معانيها
روحك مع الصبر .. تجلدها .. وتقرنها



وارقى معاني النقاوه .. كان ترجيها
عيوب نفسك *.. تعرّفها *..وتِعْلِنها



وكلْمَتْك .. *لا قلتها .. *لا عاد تثنيها
ماقلّ دلّ ... و زِنْ ..الكلمه وحسّنها



تركت هزل القصيد .. لناس مِعْمِيها
واخذت باقوى بيوت الشعر واسمنها



حتى ليا قالوا .. العربان .. لبّيها
هذي (قوية شعر ) ياطيب معدنها*









وسلااااااااامتكم ..'