الشعر ماهوب فرضً مثل فرض الصلاه.!

السلام عليكم ورحمة الله وبركاته

مساء/صباح الخير

أبيات تتمنى الرقي لذوائقكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد للشعر واهس مع ظروف الحياه=كلٍ على همّه أفكاره ونفسيته
والذاكره بين تيّارات شدّ إنتباه=ماعاد تستوعب الهاجس وكمّيته
وأنا ليا كثرت ظروف الزمان وغثاه=عايشتها كل ظرفٍ حسب أهمّيته
والشعر ماهوب فرضٍ مثل فرض الصلاه=حتّى إني أعطّل أشغالي على نيّته
الشعر سوقٍ فقدنا من رخيصه غلاه=عقب إجتمع داخله ذيبه وجنّيته
ليا حصل موقفٍ يسوى وسمنا عصاه=وإن ما حصل موقف..الشاعر وحرّيته
ولاكل شاعر نحصّل في قصيده طراه=لو يكتب الشعر بأوزانه وقافيّته
واللي عطى الشعر حقّه يوم ربي عطاه=يحق له يفخر إنّه تحت ملكيّته
وأنا على قدّ حالي شعري ومستواه=شعرٍ مايرضي الغرور أكره علانيّته
ياماقنص هاجسي والفكر فأقصى مداه=وياما دفنت من الأحياء وأصبحت ميّته
ماتحمل السالفه جلسه ونشدة قضاه=رجلٍ حفظ قدر ماء وجهه وشخصيّته
هذي حقيقة هواي..وكل شخص وهواه=كلٍ وله نظرةٍ تفرض نظريّته[/poem]
وسلامتكم