زامر الحي

بعد غياب

اسمحوا لهذه المتواضعه بالمرور

[poem=font="arial,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا قصيدي ليا من عشت حلمك شجون=وذاب صدرك على صدر الورق من عناه

زوّد الهم والا صب ماي المزون=ل أن قلب الشقا ماني بعارف دواه

عندك الجرح عايش في ظلام السجون=فك قيده فديتك وش تبي من غثاه

اطلقه خله يجيني عدي لا يهون =يمكن الجرح مشتاق لعناق اخوياه

ازرق الدمع حاير في ضفاف العيون=لا بقى فالعيون ولا انحدر عالشفاه

دون دهم النوايا اوقفت بيض الظنون=كنها ابن الزبير اليا انتصب للصلاه

زامر الحي ما اطربهم بعذب اللحون=لو تطيح الطيور الحايمه من غناه

يا قصيدي على ما جاك خلك حنون=واستر عيوبهم باطراف كم العباه

علهم من فراغ عقولهم يستحون =ويومنون ان بيت العز عزز بناه

واصل خطاك واشعل من جنونك فنون=ما بقى في طريقك غير حذفة حصاه

هات من كل شكل وهات من كل لون =واعتبر كل ما سووه ملح الحياه

لي عليك الوفا في صاحبك لا تخون=ولك علي اني اوصل بك لشط النجاه

لا ابتديت الصبر من حيث ما ينتهون =كيف افكر بطيب الوقت والا رداه

شفت ماعفت وان صافحت كف الطعون =ما بساوم على اللي غالي ٍ مشتراه

لو تعيش المشاعر حسب ما يشتهون=انشد الناس عن ليل العنا من سراه[/poem]

،،