إبكوا على أنفسكم..لاتبكون نايف.!

السلام عليكم ورحمة الله وبركاته

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إبكوا على أنفسكم لاتبكون نايف=أفضى لما قدم لدينه بدنياه
حتى أيش لو نثري عليه الحتايف=باالدمع والوجد اللحاوي وننعاه
ماواصله منا ولاهو بشايف=غير الدعا من مسلمٍ يقبل دعاه
ماترفع أعمال الفقيد الحسايف=إدعوا له الرحمه وسووا سواياه
ياماسهر لعيون ساعي وطايف=وياما ردع شر العقول المغواه
وياماسعى في لم شمل الولايف=في حرب توريد السموم المخباه
وياما وياما رد طامع وحايف=من قوم علمان الوجيه المهباه
ولي عهد المملكه باالنوايف=يوم المناصب باالأسامي مسماه
إسمه ماهوب مزيفاً فوق زايف=مات متجود في عهدنا ماخلاه
شداد ناهية الطبع والوصايف= دون اليدين تعدله حكمة آرآه
ماقط مال شدادها للردايف = مجوّده عن ميلةٍ تفرح إعداه
بابه ماهوب عن المواطن مسايف=جميع من ضاقت به الارض ينصاه
وساند رجال الدين ضد الطوايف=اللي تبى شرعٍ جديدٍ تبناه
من حبه لمن هو على الدين خايف=ماغره المنصب ولاغره الجاه
أنصف ويوم أونس من الوقت لايف=وصّى بدفنه في ثرى دارٍ أغلاه
عساه يوم يوزعن الصحايف=يبشّر ويعطى الصحيفه بيمناه
والله يعزّ إخوانه أهل الرهايف=مقدم (هل العوجا ولابه مراواه).!
وأنا من الدنيا مورّى وعايف=مدري وش اللي قدمي إن متّ أبلقاه
رآفتك يارحمن ياخير رايف=والا العمل لاشيء.لو ماقطعناه[/poem]

وسلامتكم