( أربـعيــن الــتــيــه )

السلام عليكم ورحمة الله وبركاته
الله يبلغنا واياكم رمضان ويتوب علينا
كل عام وانتم بخير

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يا اربعين التيه انا ظايع(ن) وين = رحتي وانا اللي غارق بالملذات
شاعر وهايم والجماهير غاوين = واحب أغني في جميع القناوات
القلب عاصي والمحبين لاهين = نسمع ولانفهم كأنا خواجات
تعبت ادرجها واسوق البعارين = عرضت نفسي للخطر و المتاهات
اليا متى نطرد مواعيد تشرين = للقافله وقفت وللغانيه جات
مليت ابا ارجع لا تقولين بعدين = اشتقت للمسجد وخمس الصلاوات
بسجد اليا قفى من الليل ثلثلين = وادعي عسى الله يغفر اذنوب مافات
يمكن نوافق ليلة القدر و تزين = وتصيبنا من رحمة الله نفحات
ونقراء كتاب جا بالاحزاب ستين = مفصل(ن) تجويد سبع القراءات
يحمل مئه واربع عشر مثل ياسين = اخذوا عن الاجزاء الثلاثون اظاءآت
فيه احتوى مع سته الآف ميتين = وست وثلاثون آيه احساب الآيات
الواحده تصعق قلوب الملايين = وتقضي على كل الفتن والضلالات
فيها ومنها يطلع النور ويبين = ماتنتقدر بالذهب والجنيهات
أنزلهن الله ماخلقهن من الطين = على صدر خاتم جميع الرسالات
تنزيلها للحق والدين تمكين = ارسل بهن جبريل رب السموات
شنوا لها الغارات في بدر وحنين = وكانت عليها التضحيه والشهادات
وحنا تهاونا بهدي النبيين =لازم مع انفسنا نعيد الحسابات
واختامها صلوا على حامل الدين = احمد عليه افضل سلام صلاوات

[/poem]

(صقرالمعتاد)