المدرك اللي علينا يصعب ادراكه

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الد بالعين للرزّاق واملاكه = اللي يمد السّبور و يقشع الظلّه
العرش بيده و حكم الكون و افلاكه = رباً تعالى عن النقصان والزله
المدرك اللي علينا يصعب ادراكه = الحمد له و الثنا والامر له كله
بعض الهواجيس فوق الصدر فتاكه = خصاً ليا جاتني عجله و منهله
اراقب مداعبات السدر والراكه = و الاحي نواحها واغني الشله
وادوّر لجوي الخالي و مسلاكه = لعل في سجتي ما يرفع الخله
لا هوّد الليل طف الماس واسلاكه = بيني و بين النجوم اسهابه و طله
يا زين صمت الخلا و الليل و احلاكه = هذا هو البلسم اللي يبري العله
اراجع حسوس وقتي و انزع اشواكه = و اقول والله طراة الشي في حله
و لا يجيب العمر و يقرّب اهلاكه = الا حسوس الضمير و حرقة الغله
ابعد عن الهم واقطع وصلة إشراكه = واللي كتبه الولي لابد تاصله
وابعد عن اللي يلوج الهرج بحناكه = ما شغله الا يعقد الحبل و يحله
نمام و يدوّر لصيدتك بشباكه = ما يردعه عنك لا مذهب و لا مله
وان كنت شكاك فالعربان شكاكه = تثني ركبها لحمل الشك و تشله
والقدر ما يشبع الجيعان بحكاكه = و الضو سحّل حطبها تطفي المله
[/poem]