النميمه

قصرت رجلي عن كثير المشاوير
وقصرت عن كل النميمه الساني


حث القدم لمجمعين الدنانير
اكبر خساره في جميع المعاني


ومقابل الانذال شرن بلا خير
مثل الحمار اللي بدال الحصاني


ماينفع المحتاج كثر المعاذير
قلته وقاله قبلنا شخص ثاني



طول الرشا مايجلب الماء من البير
لاصار دلوك صايرن ذيهباني



تدلي ولا ياخذ من الجم قطير
لو كان حضرت الرشا و السواني



كلمة هلا ياكبرها كنها النير
لو ضيفك فنجال بنن يماني



والمعمعه لو ضيفك شاه وابعير
يشناك لاحدك عليه الزماني



والرزق ماهو لقمتن في يد الغير
عند الذي علمك سبع المثاني



يالله يافتاح باب المعابير
يالله على حسن الطريق اتهاداني



ماسكرت بيبانها بالمسامير
فج الفيافي متعبات السماني



بعدن عن القتات وعوير وصوير
جنة عندن ياطيب ذاك المكاني



لو كان تعطي من ذهبها قناطير
ماتعرف المعروف هطل الاذاني



ون حدتك دنياك روس الشناضير
روس الرماح ولا ريال الهداني



ورزقك على رزاق عكف الدناقير
عليه وكلته على كل شاني



واعلم ترا اسهوم المنايا مناحير
جيت القدر ولا القدر جاك داني