الــتـــوبـــــه ....‍‍!!??

اخواني الاعظاء





اخواني واحبابي الزوار






اقدم لكم هذه القصيده والتي اتمنى ان تحوز على رضاكم واعجابكم











والى اخواني الاعضاء



النقد البنّاء مسموح










[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=350% align=center use=ex length=0 char="" num="0,black" filter=""]
على دعوة كريمن دعوتة عندي لها الف احساب = أقدر دعوتة وأقدر الداعي ومندوبه



يمونون الرجال اللي لهم صيت وفعل وأنساب =معرفتهم شرف واسلومهم ماهي بمقلوبه



لياجتني رسايلهم جلاهمي وبالي طاب =مثل جيت عزيزن ضامنن حقة ومطلوبه



يفيض الشعرمن فيض المشاعر والحروف أطياب =على طيبن مضى تضحك رضى ماهي بمغصوبه



تبين الشمس مع همس القوافي والشفق ما غاب =ظلامي صبح والصبح أصطبح ليل الدجى كوبه



سلامن في سلامن في سلامن من حشاي انساب =على اللي معجزات الشعر بأشعارة وبسلوبه



سلامن ما يقولة من يحب النصب والنصاب =نقين ما يحب الا النقى والطيب ودروبه



على اللي يوم جيته قدّم الطيبين والترحاب =على سلمن قديمن كل جدّانه تواصوبه



من اقصى احباب جد العزوه اللي فعلها ماخاب = بقى سلم الكرامه سلمهم ثابت وفازوبه



وعلى علي ابن حمري ذابت الكلمه طرب وعجاب = مع ازكى مايقال من الكلام ان صار ماجوبه



يقولون العوارف مايصير القول دون اسباب =وانا متوثقن من ماعرفت وشفت من صوبه



ترى من لب في لب الخفى يوم الشعور اغراب =يميز مايدور بخاطر الغافل مع اذنوبه



وانا سافرت من حي القرين وعدت له منصاب =عسى ماهي عليه زلتن بالغيب محسوبه



سقى الله حي سلوى خاطري من دمعي السكاب =على شان اتعرف كم هي على الخفرات محبوبه



عنودن ياعلي فيها جمال الكون كلّه ذاب =اعجوبه في عيوني ياعلي واكثر من اعجوبه



طوارفها كواعب تاج عاجن ناحته صبّاب =على دوحة زعيمن واقفن لحماه منصوبه



ليا خاض المدينه موكبه سكّانها ترتاب =جميع اكبارها وصغارها غصبن تغنوبه



عليها من الجمال اليوسفي مايبهر الكتّاب =ولا يوجد بعيني مثلها للزين منسوبه



لياطالعتا .. طالعتا في نظرة استغراب =غريبه واغترابي مع شروق النور وغروبه



عليها من عثاكيل الذّهب مايذهب اللعاب =لو اللعاب مايقدر يجاري كل مذهوبه



حمار الزعفران بخدّها وسلوبها جذاب =واهازيج الغنا في صوتها لا جرّته دوبه



تعرف اشلون تسلب خاطري في هرجها السّلاب =وانا حالي عليها من عذاب الوجد مسلوبه



تخالط في نباها سيرة الصادق مع الكذّاب =سرابن خالط الما واهلك العطشان مشروبه



ليا قلت انتحت والقلب عن بعض الروابع تاب = تهادت ورجعت لي بعتناق الهمس مصحوبه



وليا جيت اعلن التوبه .. تمادت وفتحت لي باب =ولعنت اللي ليا شاف الحبيبه يعلن التوبه



عفى الله عن نصيبن جابلي في دنيتي ماجاب =حياتن في مقابر عالم النسيان مجلوبه



وعلى شرع المحبه يصبح المجرم هو الطلاب = عقوبه والمحبّه ياعلي مامثلها اعقوبه



رهين المحبسين اللي قدم عيني صدر وهداب =ظلامن في محياها الشفق في صدر رعبوبه



علي الله ومانه لو تعاتب من تحبّه شاب =رضايه من رضاها لو حصل من دونها شوبه



يقول احجاب ميثاق الهوى ياصاحبي غلاّب =وانا كيف اتصرّف ياعلي والنفس مغلوبه



اجل مالي سوى سهر الليال ومايقول احجاب =تجوّد في غرامك لو حصل لك صبر وصعوبه



ولاكن الحزن غيّم على عيني وودى وجاب =وانا مطعون نوبه وابطت النوبه هي النوبه



صبرنا ياعلي والصبر مع سهر الدجى ماثاب =اثر من حب دايم حالته بالحزن منكوبه



لقينا مايقول الزير من رجلي ومن ركاب =عقب ماعذّبه جور الزمان ولابته جوبه



نقيض الحال ياعلي الحبابي من طمع به هاب =وانا معشق سوى اللي من جميع الناس مهيوبه



تساقى بالظماير من غلاها مثل سم الداب =اثر زود الغلا كلّه عذاب وذوقه اعذوبه



عليها الشعر يسري من حشايه توريه وسهاب =من اقصى مهجتن للعالم المجهول منهويه



نهبها اللي ليامنّه جفا محدن بداله ناب =ظلام الليل من لبّة نحرها شاعطن ثوبه



عليها ابكي بكى من مات ابوه وتحت ظلم اجناب = شريفن من عقب عز الكرامه كثرت اعيوبه



عقب ماهو على قد المقام وسيد المحراب =ليا منّه تكلّم بينهم صادق تناجوبه



تلاشى كل مارامه من احيامه وحاله ساب =بكنف الرّبعه اللي من هل الفزعات مسبوبه



على اللي حبّها به من طغي عنتر ورمح اذياب = عيوني عن وصايف غيرها ياخوك معصوبه



عليك الراي وانت اللي ليامنه تكلّم صاب = وفيّن لا وقف للازمه مازل عرقوبه



عليك من السند علم الولد لاغثرب المشراب = رجالن حقهم بالمرجله والطيب عيّوبه



بدون اقصور في كل العرب لا جا حزم كلاّب = زمانن فات يوم اللضى للحرب مشبوبه



وعلى احلى من الحيى بين الغدير وروضه الخلاّب = سلامن للجميع وكلمة العرّاف منجوبه


وعلى علي ابن حمري ذابت الكلمه طرب واعجاب = على اللي معجزات الشعر بشعاره وبسلوبه



وسلامتكم

[/poet]