يا سوبر ستار قل لستار اكاديمي

السلام عليكم جميعاً ، وجهة نظر ارجو قبولها



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
النــــود لـــو هـــزّت طـــــويق بهبـــــــايبها= مــا هـــــزّت عـــــــروش قـــومٍ مــن منــــاصـبها

الا اذا ابلـــــيس جـــالــه حــــظ فالجنـــــــّه= وديـــد المطيــــــــّه يجـــــي مــن عنــــد غــاربها

دام المـــــــروّه تغيــّـبــــها مصـــــــالحـــنا= ببكــــي عـلــــى قبــــرها واركــــــز نصـــايبها

الفــكـــر منــــداش والاحــوال مختبـــــصه= والعـــــين مـــا غــــير اشــــــرّقها واغـــــرّبها

يـا دبـل كبـــدي ويـا همــّـي ويـا غمّـــــي= مـــن صـــــورةٍ قــمـــت اصــــدّقها واكــــذّبها

تبـــــث عــــبر القنــــــوات الفضــــــائيّه= اكــــــبر مهـــــونه وهــــذي مــن ضـــــرايبها

يا ســوبر ستــار قــل لستــار اكـــاديمي= النـــــار مــن بيـنــكــــم شبــــّت شبــــــــايبهــا

اثــر العـــرب بـــيرقٍ منكــوس ومنكــّس= نــــاسٍ علـــى ذلــــــّها تفـــــتل شــــــواربهــا

ان كان هذي حضـــــاره يالله الخـــيره= يـا شـــــرهة عيـــالهــا مــن فعـــل شـــايبهــا

مـاني مشــرّه علــى بـــرنامجٍ ضـــايع= اشـــره علــى اللــي عيـــــونه فيـه قلـــــّبهـا

اهــون علـي ديـرتي بالجيـــش محتــلّه= مـــا دامنــــــي حـــــي بحــــرر تــــــــرايبها

غـير البـلا غــزو فكـر الدين الاســلامي= والعــــولمــه صــــــوبنا لـفّــــت عقــــــاربها

اللـه يـرحــم صـــلاح الـــدين الايـــوبي= اعــــداه مـن هيــبــته تــرخـــي مخــــــالبهــا

يــوم البيــارق نرفــرفها على العــــزّه= والنــفــــس كــلٍ لمــــوت العـــــز جـــــالبها

مــا ضـــاع مـن دينــنا لو حبّــة شعيره= ولا ابتلــشـــنا بـ مــــــوجبها وســــــــالبهـــا

شف كيف كنا وشف ذالحين وش صرنا= عقـــــــوبةٍ واللــــه اعلــــم مــن عـــواقبهــا

وحنّا السبــب في تدهـور كل ما فينا= واقــرب مثــــل ( من حفر حفره يطيح ابها )

فان شفت الاوضاع من طلعه لدحديره= بعيــــــش فـــي ديـــرةٍ ما شـب كهــــربها[/poem]