المسرحيّه .. والعقيد اسعد عمر قلّي!

السلام عليكم ..

شرفني الشاعر / خالد السيحاني بهذه القصيده ..

اليكم القصيده والرد ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه يا رحيّم ضايق ٍ بالي = مدري وش اللي يابن غنـّام حاصل لي

كنـّي لحالي وانا مانيب بـ لحالي = اروح كلّي واعوّد يا ولد كلّي

يامل قلبي من همومي وغربالي = ويامل عيني وياملّي وياملّي

لا وآهني المريح الداله السالي = لا وآهنيه وانا اللي زايد ٍ غلـّي

يالله جعل العذارى مالهن تالي = اللي يتلن قلب المهتوي تلّي

ثلاثة ٍ عارضنـّي و آبري حالي = وانا بدوّي ٍ سخيّف قلب و مولّي

شخـّصت بعمامتي ومّيّل عقالي = ومن دافع الشوق ازج الصوت واهلّي

والله هذا ما حصل يالصاحب الغالي = فـ الراشد الله يلعن والدين اللّي

يقوّدنّـه يا بنقالي يا نيبالي = يومي براسه وعز الله ترللّي

اقفابهن يا ولد عمّي وعزّالي = وعوّدت بعمامتي وعقالي وظلّي

هذي علومي وهذا الخط مرسالي = وش رايك بمسرحيّة صاحبك قلّي؟[/poem]

الشاعر / خالد السيحاني ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لاهاض بالي رقيت الشامخ العالي = اللي على شامخ الضلعان متعلّي

مرقا ً ما اخلّيه في حلّي وترحالي = لا بد ما ارقاه في ترحالي وحلّي

أجر في قمته طرقي و موّالي = اليا طرقني هوى ترف القدم خلّي

والشاعر اللي بدع زينات الامثالي = كنـّه يساقي عروق الذايقه باللّي

زهمني وجيت له رجلي و خيّالي = متحيزم ٍ بالقديمي والبَرَبَلّـي(1)

إما فزعت لولد عمّي وابن خالي = لابارك الله في عرفي وفي دلّي

ياخالد انا معك في كل الاحوالي = مادام تعرف تصوم وتعرف تصلّي

اطرق طروق القصيد ولال يا ملالي = وان شفت لك طير قل ياطير الا ياللي!

المسرحيه ظريفه ما به اجدالي = حبكت سيناريو قصتك بالملّي

لا زلت اشاهد لحالي عرضها الحالي = واضحك وافك الحلاوه واقعد احلّي

احداثها فـ الحقيقه شيّ خَيَالي = لكن مضمونها والله ماهوب اللّي

مشاهد الفصل الاول جات كالتالي = يوم اعرضن قدمك الثلاث هذلّي

قامت دليّك عليهن تصفق الجالي = تبا تسوّي سوات (الحاج متولّي)

والفصل الاخير عوّد رمي وقتالي = وانت الضريبه بغيت تصيبها هلّي

لكن قدّام لا تعطى الخلا الخالي = تقاعد مع (العقيد / اسعد عمر قلّي)[/poem]


رحيّم الغنّامي


البربلّي نوع من انواع المسدسات القديمه