الا ياليل ياطولك

يسعدني ان اقدم لكم هذه القصيده ومناسبته ان احد الزملاء
عند مشاهدتنا للاخبار وعن مايدور في فلسطين يرثي لي حال الامه اليوم
ويتذكر امجاد الامه السابقه فاحببت ان اجسد مادار بيننا في قصيده وبينت فيها مايحل
مشاكل امتنا في اول حرف من كل بيت في القصيده اللتي
امل ان تحوز على رضائكم


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
ألا ياليل ياطولك وجفني عن منامك عاف = تلاعبه هموم القلب واشقنه وعاف النوم
نديم"لسهر ياليل شاف من العنا ماشاف = رفع طرفه دعا يالله يارحمن ياقيوم
تروف بحالتي يالواحد المعبود يارواف = تزيل همومنا يافارج الكربه عن المضيوم
نصيبه من حياته دمع عينه دايم"ذراف = والا ياشاكيا" دعواك انا مثلك ترى محكوم
صدر حكم القصاص ونرتجي رحمه من السياف = وتشتتنا وزاد الظلم يامحمد على المظلوم
رضينا والقضيه ماتبا منا حلول انصاف = وعشنا في هوان وذل منه يشيب المفطوم
ويقولون العرب سوفا وهي ماتنفع السواف = يحل السلم بعد الصلح وينه سلمه المزعوم
انا لامن ذكرت امجادنا في عصرنا اللي طاف = وذكرت اخطاب من هارون الى نقفور كلب الروم
اقول الله لاتسخط علينا كيف صرنا ضعاف = على مر السنين امجاد وعز"نهدمه في يوم
لواء الدين منهو ينصره ماينصره خواف = يجيك النصر من فارس شجاع" قايد"شغموم
لنصر جيوش الامه صامل" ماينوي المنكاف = يطهر كل شبر"داسه الكافر حلال القوم
هذا رايي وانا مانيب لاعالم ولاعراف = وعسى مانيب يارحمن لامشقي ولا محروم
يسائلنا رفيع الشان منزل صورة الاحقاف = عن اللي عرضها يهتك عن اللي خدها ملطوم
نخنا يامحمد مسلمات" محصنات اعفاف = ولابه معتصم ينخا وبالنخوه هو الملزوم
صبي"مايعز الدين ماوالله عليه احساف = حياته جعلها تفنى حياته نقص فرخ البوم
رعاك الله ياطفل"رماهم بالحصىحذاف = بذل اقصى قواه وقال ماجنب عن المقسوم
كلامي واسمعه مني صحيح" ماغشاه زياف = صحيح"واجمع اول حرف من كل بيت فالمنضوم
مادم ان القضيه ماتبى منا حلول انصاف = عسى مانيب يارحمن لا مشقي ولا محروم [/poem]