قالت أعرابي.....

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تسأل... اتقول : أنت شاعر؟ قلت: مدري= ودي ادري يا مليحه بس مدري
ادري اني من حبايل في مقالب= من تشقلب في تعلّي في تحدري
و المصيبة تستلم نوبة مصيبة= قالت: أمرٍ توّ... هذا؟ قلت ...بدري
قالت: انته وش بلاك ...يضيق صدرك= كلما تسمع سؤالي؟ قلت : صدري
قالت: انت امعقد و حالتك حاله=قلت يا بنت القـدَر، ما هوب قــَدري
قالت: انته فيك بعض العنجهيه= و التكبر.. قلت: لا .. و الله يدري
قالت: الأخ ابدوي؟ قلت...الله الله =و قبل ميلاد المسيح يفوح قدري
حاميٍ ٍ داري و ضيفي ما نسيته= و الوفا و الحلم عن غيظي و غدري
أحترق شمعة لجاري في ظلامه= و ان بدت شمسه ضحك من نور بدري
و لو تحيز ما اشتكيت من التحيز= ابلع الزله لو المشروب كـَدري
و ان بدا لي منه ميله و انقلابه= قلت: جار... و عرضه عن الشين مدري
قالت: اعرابي و الاعراب الله اللي = حطهم في موقع بالناس حدري
قلت: هيّا...فسريها و افهميها= و اتركي تفسير قدّوره و قدري
كلمة الأعراب معناها عمومي =تعني المجهول في عشة و خدري
و البداوة من خيار الصحب أهلها= مثل زيد الخيل، مع خمسين بَدري
و يوسف و يعقوب بدو ، بنص الآية= ما هم اعرابٍ و لا حِرّاث مِدري
البداوة يا مليحه فسريها =بالكرم لا حل ضيف بليل غدري
فسريها بالشجاعه والشهامة= و الكرامة قالت: ادري، قلت : ما ادري
****** [/poem]