عشق المحيا

[align=right]لأحبتي في هذا المنتدى الجميل،، مع التحية[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


ليش يا قلبي تَعَلَّقْ في قفا المقفي كِذَيّا = و ان بدت لك مقبله ما بك للاقبال استجابه
تشتكي جور المقفّا... تدعي عشق المحيّا= و انت كم من مقبل ٍ يعشقك ما تحسب حسابه
و ابو الاقفاي ... ان بدا مقفي ...وقفت و قلت هيّا= لين صرت اقرب مثال لظامي ٍ يطرد سرابه
صار حب المقفيات حكايتك؟...يا بالحكيّا= و اصبحن المقبلات ..يحسسنك بالكآبه
و ضّح القصة تراني ما عد افهم منك شيّا= ما ادري انت تحب محضار الهوى و لا غيابه
إترك المقفي و شِمْ و اعزف عن اللي ما تهيّا= وش تبا في برق مزن ٍ راح نوّه في عَقَابه
جاوب القلب الجريح و قال: عاينها هنيّا= ساكنه في داخلي و البعد معميني صوابه
روحها في وسط روحي لو خيال الجسم عيّا= و صرت اتابع هالخيال اللي نحا و انحى جنابه
هذي الدنيا-- يقول القلب--تملا الارض غيّا= و طبعها تطرب لمعزوفات نَوح اهل الصبابه
مير صبرك...و الشجر تكسي ثراه الشمس فيّا= و لو يدوم الفيّ شرقي قام بالغربي ترابه
قلت يا قلبي كلامك صح لو دمت لك حيّا = مير و ين الغصن ذاك اللي تدوم ابه الرطابه
تلحق الشمس العنيده و امست الشجره عصيّا= و احسن احوال العصي قوسٍ حزينٍ في ربابه

*****[/poem]